أمثال تونسية

من ويكي الاقتباس
Wikipedia logo اقرأ عن ثقافة تونس. في ويكيبيديا، الموسوعة الحرة

هذه قائمة ببعض الأمثال الشعبية التونسية مرتبة ترتيباً أبجدياً.

حسب الحروف: أ · ب · ت · ث · ج · خ · ح · د · ذ · ر · ز · س · ش · ص · ض · ط · ظ · ع · غ · ف · ق · ك · ل · م · ن · هـ · و · ي

على حجرة فوق منها شجرة فوق منها لحمة

أ[عدل]

  • أضربه على التبن ينسى الشعير
  • أسمع كلام اللي يبكيك وماتسمعش كلام اللي يضحكك
  • أعمِلْ الخير وارمي في البحر.
  • أعملْ الخير وأنساه واعْمل الشّر وتفكره.
  • أعمِلْ الفرض وانقب الأرض.
  • أعمِلْ كيف جارك وإلا حول باب دارك.
  • أعمل يا خصيب تصيب ما تجيكش في البقرة تجيك في الحليب ( يقصد بها القول أن من يعمل شرا حتى أن لم يصبه يصب اعز الناس اليه).
  • أعمل يا خصيب تصيب كان ما طلع في الزبدة يطلع في الحليب.
  • أخطى رأسي واضرب (معناها تفادى رأسي ولا بأس أن تضرب غيري).
  • أضرب القطوسة، تتربى العروسة."ويستعمل هذا المثل أيضا ببعض المناطق بالجزائر"
  • الأعمى كيف يرجع يشوف، يلوح العصا الي مشّاته.
  • أطول من ليالي الشتاء (للتعبير عن طول الحديث).
  • أولنا صغار وآخرنا صغار.
  • أحييني اليوم واقتلني غدوه.
  • أنصح الجاهل يعاديك.
  • أخسر وفارڨ وڨول ملّا راحة.
  • أمه ماتت على نفاسه والدار طاحت على بقية ناسه.
  • اعطيني حاذق نسلك معاه وما تعطينيش بهلول ناكل ماله

إ[عدل]

الصبّاط باللهجة التونسية يعني الحذاء. في الصورة، أحذية تقليدية تونسية من سوق البلاغجية.
  • الي ماعندوش الغنم ذباح والي ماعندوش المرا ضراب ( كيف يكون شخص ما يملك غنم ديما يحكي وكان يجني ضيف وانا عندي نذبح وكان يجوني نذبح ...والي مش متزوج يبدا يحكي انا كان معرش وتقلي مرتي كذا الا مانعطيها طريحة ....)
  • اذا ملست ملس من طينك لاماجاش قدرة يجي كسكاس
  • إذا بين وبين الهم بكرة (صغيرة الجمل) اذبحها وتعدالو
  • إلي تحسبو موسى يطلع فرعون
  • احفر البير بابرة و ما تطلب الفاس من رخيص.
  • امشي بالنية وتمد في الثنية
  • ابني وعلّي وموت وخلّي.
  • إللّي كلا وحلَى كيف إللّي بنى وعلَى.
  • إللّي برجو بالمرمة يموت في سطل بغلي.
  • اللي تحب زينها يدوم تمشي للحمام كل يوم.
  • إللّي تحرق من الشربة يولي ينفخ على السلاطة.
  • إلي أصله تفاح عمرو ما يتلاح، وإلي أصله دفله عمرو ما يحلى لو كان تزيد لو شهد النحلة
  • إللّي تشكيلو يبكيلك.
  • اللي ما تفرقو المنية تفرقو الثنية. (عن الفراق لا محالة: من لا يفارق بسبب الموت يسلك طريقا مختلفا.)
  • إللّي خلق ما يضيّع.
  • إللّي تلمدو النمالة في عام ايهزو الفيل في عفسة.
  • إللّي تلمّو النمّـــــالة في عــــام يطبّو الجمـــل فرد فم.
  • إللّي تلمّو النمالة في عام ياكلو الجمل في فم.
  • إللّي جابتّو ساقيه العصا ليه.
  • إللّي حبّك حبو ما تفرطشي فيه ، واللي بيعك بيعو وما تسألشي عليه.
  • إللّي خاف نجى.
  • إللّي خلّى النْباتْ، ما مات.
  • إللّي والفْ بالحْفى، ينسى صبّاطو (من يعتاد المشي حفياً على الأقدام، ينسى حذائه).
  • إللّي ما تقدر تردّو عدو (إن لم تستطع إرجاع الخير لمن أحسن إليك، أذكره دائما).
  • إللّي يبيعك بالفول، بيعو بالقشور.
  • إللّي يتبع الحمام الجالي يروّح للمغاغر (يطلق هذا المثل على من يختلط باصحاب السوء).
  • إللّي يتبع خطوة الحمام ينسى خطوتو (معناه من يحاول تغيير طباعه ينسى طباعه الاصلية ولا يتعلم الجديدة).
  • إللّي يسرق يغلب الي يحاحي.
  • إللّي يعْرف عِزَو كلام الناس ما يهزو.
  • إللّي يعمل الخير ما يْشاورْش (يعني إذا شخص أراد أن يساعد أحدهم لا يستأذن منه).
  • إللّي ما فيه قلب يْموت سْمين مْعشعش .
  • إللّي ما قْرا ما دْرَى وإلّي ما تجوّل ما رَا.
  • إللّي يحسب وحدو يفضلو.
  • إللّي يعطي سلاحو يْموت بيه.
  • إللّي ضاع صباحو ضاع رباحو.
  • إللّي عطا كلمتو عطا رقبتو.
  • إللّي في القدر يجيبه المغرف.
  • إللّي في القلب في القلب.
  • إللّي فيه طبة عمرها ما تتخبي .
  • إللّي كلاته العنز جداري يطلع على جلدها دباغ.
  • إللّي ليك ليك واللي خاطيك خاطيك.
  • إللّي ما يطولش اللية ايقول منتنا هيا.
  • إللّي ما شافش المرمة ما يعرفش اش فما.
  • إللّي ما شاف لا عرس ولا مرمّة ما يعرفش الدنيا وما فمّه.
  • إللّي ما هزوش قبره يرقد فوق منه.
  • إللّي ما يسمعش كلام كبيرة الهم تدبيره.
  • إللّي ما يشبع من القصعة ما يشبع من لحيسها.
  • إللّي ما يلحقش النخلة يقــــول سيــــش.
  • إللّي ماهوش مستانس بالبخور تتحرق حوايجو.
  • إللّي مغطي بمتاع الناس عريان.
  • إللّي وجهها يفجعها رزق بوها ينفعها.
  • إللّي يبيعك بالفول بيعو بالقشور.
  • إللّي يحب الكل يخلي الكل.
  • إللّي يحب الللو يسهر الليل بكله (مثل المثل العربي: من طلب العلى سهر اليالي).
  • إللّي يدير روحه كدوة يتحمل رقيص الجديان.
  • إللّي يعطي سلاحه يموت به.
  • إللّي يعطيك حبل كتفه به.
  • إللّي سمّاك غناك.
  • إللّي ما يفديش الثار بوه حمار .
  • إللّي ما يرجعش الثار أكبر حمار.
  • إللّي ما ضنى ما درى.
  • إللّي شاهي شهوة يديرها في عشاه.
  • إللّي تملّس ملّسه من طينك إذا ما جاء برمة يجي كسكاس.
  • إللّي مش فالحة في قرايتها تعمّل على ميمتها.
  • إلّى خلّى النْباتْ, ما ماتْ
  • إذا عييت إحسب روحك كيف بديت.
  • إذا تحب تعلّم ولدك الكلام، حطّه صانع حجّام (أو إذا تحب تعلّم ولدك الكلام خدمو قهواجي والا حجام).
  • إذا كان الدّواء مرْ، الدّاء أمرْ.
  • إذا كان المتكلّم مهبول، يكون السّامع عاقل.
  • إذا كان المهبول يأكل ويبة، العاقل ما يعطيهالو.
  • إذا كان خصيمكْ القاضي لشكون بشْ تشكي يا مغبون.
  • إذا كان وليدكم إضربْ وليدنا، هكّا حال الصّغار، وإذا كان وليدنا ضرب وليدكمْ، يشوامْ النهار.
  • إذا فاتك الكلام قول سمعت وإذا فاتك الطعام قول شبعت.
  • إذا كان الكلام من فضّة، السّكات من ذهب.
  • إذا كان النويح بالطلْبة *** لا ترحم من مات.
  • إذا كان ذيل الكلب ينجيك من الغرق اش عليك في نتونته/كان ذيل الكلب يعديك الواد ما يهمك نتونتو.
  • إذا بكِيتْ، إبْكِي احْذا المهمومْ، وإذا غنّيتْ، غنِّي احْذا المغروم.
  • إذا كان الفطور طبيخة يجي الدرك على الطماطم.
  • إذا كبر ولْدك خاويه.
  • إذا لقيت الزهو والطرب لا تبدله لا بشقا ولا بتعب.
  • إذا ما يحطّــــب يقشقـــــــش.
  • إذا نصحك التاجر راهو شطر النصيحة ليه.
  • إذا وكلت شبّع، وإذا ضربت وجّع.
  • إذا غاب عليك اصله انظر أفعاله .
  • إذا قدرلك ربي الشفا يجيك الطبيب لباب الدار.
  • إذا ربي رايدلك الشفا يعرض الطبيب في الثنية.
  • إذا ربي رادلك الشفا يعرضك الطبيب في الثنية.
  • إذا دزوك وطحت احسب روحك تتزرزح.
  • إذا طاح القدر وفات العشرة (أو العيشة).
  • إذا كان في الخدمة صلاح، في الفراغ فساد.
  • إذا وكّلت شبّع واذا ضربت وجع.
  • (بعد الحسوم ب 40 يوم تأكل الثوم ونحي كساتك عوم )

بمعني انه بعد قرة الحسوم بشهر ونصف تستطيع لبس لباس الصيف ويكون الطقس ملائم للسباحة ويحين نضوج الثوم

  • إذا صاحبك عسل ما تلحسوش الكل.
  • إش يا ذبانة ما فمة في الدنيا كان انا ( تقال على الغرور).
  • الربيع ربّع واللبن قراس، وإلّي عنده صبية يزوجها لترّاس.
  • إجبد ما ترُدْ, الجبال تتهد.
  • إجبدني نعصر بدني.
  • إحسبني كي خوك وحاسبني كى عدوك.
  • إمشي بالنية وأرقد في الثنية.
  • إسأل على صاحبك إستغناش أما الطبيعة هي هي.
  • إسأل مجرب ولا تسأل طبيب .
  • إستنا يا دجاجة حتى يجيك القمح من باجة.
  • إسمع كلام مرتك وخالف رايها.
  • إسئل على صاحبك استغناش، أما الطبيعة هي هيا.
  • إضحك للدنيا تضحكلك.
  • إخدم بصوردي وحاسب البطال.
  • إخدم وتحزم بشريط، حل الصرة تلقى الخيط.
  • إخدم يا تاعس ، على هاك الراقد الناعس.
  • إطعم الفم تستحى العين.
  • إمشي صحيح لا تتدرع لا تطيح.
  • إللّي ما يشبع من القصعة ما يشبع من لحيسها.
  • إللّي ما تعرفش تغسل الدوارة ماخذتها في ولد الناس خسارة وإلي ما يعرفش الذبيحة والسليخة ماخذته في بنت الناس فضيحة.
  • إللّي عنده ولاد ما يعضم على السراق وإلى عنده البنات ما يعضم على الزانيات.
  • إذا تقصد، أقصد دار كبيرة إذا ما تتعشى تبات في الدفاء.
  • إللّي تربات على يدين الرجال ما يغرها لا زين لا مال.
  • إللّي حاجتو بيك يعمل في البحر ثنيّة.
  • إللّي يركب على البهيم يتحمل بصو.
  • إللّي مستدعي في نهارو يقعد في دارو.
  • إللّي يريدك ريده، واللّي يبغظك زيده.
  • إللّي يختار يبات في العار.
  • إللّي يولد يربي.
  • إللّي ما خلاولو جدودو تتهرّى جلودو.
  • إللّي تراه راكب فركه (أو قصبه) قلو مبروك الحصان.
  • إللّي ما يشقى ما يلقى.
  • إللّي تخدمو طيعو واللي ترهنو بيعو.
  • إللّي يخالط المسعدين يسعد.
  • إلّلي ما تعرفش تشطح اتقول الأرض عوجة.
  • إلّلي ما يدري يقول سبول.
  • إللي عندو خير مللي ما عندوش.
  • إللي اعطاه البي حصان يركب ويدلدل رجليه.
  • إللي يعمل عليك يبات بلا عشي (يقال لمن لا يفي بوعده).
  • إلّي بدى يتم، والّي حصد يلم.
  • إذا خذِيتْ بنت عَمِّكْ تْزِينِكْ.
  • إكبس تلقى ما ترخف.
  • إقلب الطنجرة على فمها تطلع الطفلة لأمها.
  • إبكي يا قلبي علي ماتو و ما تبكيش علي فارقك في حياتو.
  • اكتب على الحوت وسيب في البحر
  • إحفر البير بإبرة و ما تطلبشي من الرخيص فاس
  • إن شاء الله السعد خير من السلعة

ا[عدل]

حنضل (حنضلة باللهجة التونسية)
  • البومة كان جت تصلح ما يخلفوها الصيادة
  • العار أطول من الأعمار
  • ارنب تكر على حلوف
  • البقرة كيف طيح تكثر سكاكنها
  • الحنضلة ما تولي تفاحة والخرشي ما تبان فيه ملاحة (معناه الشخص ذو الطباع السيئة مهما تصرفت معه برقي لا ينفع معه).
  • الباي باي حتى في شكارة (معناه مهما ساءت أحوال الإنسان ذو الهمة العالية والأنفة، يبقى دوما عزيزا).
  • البهيم تبدل والكرَيطة هي هي (الكريطة تعني العربة).
  • البقرة كي تطيح تكثر سكاكينها (أو كيف تطيح البقرة...).
  • البل (الإبل) تتبع كبارها .
  • البل (الإبل) تمشي على كبارها .
  • البلاد بمّاليها.
  • البير غارق والحبل قصير.
  • الجمل مايراش كربته يرا كربة غيرو ( معناها الجمل لا يرى حدبته ويرى حدبة غيره من الجمال, يقصد بها أن الشخص لا يرى عيوبه لكن يرى عيوب غيره).
  • الجرح يبرا يا صبرا وتبرا عليه الضميدة،أما كلمة السوء تبات ومن غدوة تصبح جديدة.
  • المتنقلة مذبالة ولو تكون عروقها في الماء.
  • المحبّة ما نحبّك والصّبر ما نصبر عليك.
  • العروسة طويلة والباب قصير.
  • النُخالة ما تصير دقيق والعدو ما يصير صديق.
  • النّاس تعرف النّاس والخيل تعرف ركّابها.
  • الربيع ربّع واللبن قراص واللي عنده صبية يعطيها لتراس (رجل مفعم بالرجولة).
  • الرزق الحرام يمشي في الظلام
  • الصيف ضيف.
  • الصيف بو فقير، ولو كانت عنده أم لا بكات عليه.
  • الدفا عفا ولو بعز الصيف .
  • اللي عنده كسوة ما يبيعها، برد تونس في ربيعها.
  • اللي يجيبه الخريف، يديه الشتا .
  • اللحم كي ينتن، ما ليه كان أماليه.
  • النفخة والمبات في السبخة (يعني الغرور على لا شيء).
  • العظمة ما تقول طق كان ما فيها شق.
العظمة (البيضة بالعربية الفصحى) ما تقول طق كان كي فيها شق
  • الشكارة والبحر.
  • الشنقة مع الجماعة خلاعة.
  • البخت مايل والزهر ماعندي الي نزرعو تفاح يطلعلي هندي.
  • الفرزيط يزمّر والنميله تعمّر.
  • الفهيم من غمزه والبهيم من همزه.
  • الفلوس تحيي النفوس... وتطهّر المنجوس... وترد الشّايب عروس.
  • الفلوس ترد البعابص روس .
  • الفلوس تحطها على فم الميت يضحك.
  • الفلوس وسخ الدنيا.
  • الفم المغلوق ما تدخله ذبّانة.
  • الحركة بركة والبطالة هلكة.
  • الكِلْمة الوجَّاعة نفَّاعة.
  • القمح يدور، يدور ويرجع إلى قلب الرحى.
  • الشّفايِفْ تْبوسْ، والقلوبْ فيها السُّوسْ.
  • الزغاريد أكثر من الكسكسي.
  • الشيب والعيب.
  • الصحبة صحبة والنية ما فماش.
  • الماء الماشي للسدرة، الزيتونة أولى به.
  • الصوف يتباع بالرزانة.
  • الطماع يبات ساري .
  • الطمع وقطعان الرقبة متحاذيين.
  • الطول والخسارة كي سلوم النصارى.
  • الطول صابة والعقل عجرودة.
  • العزوزة هاززها الواد وهي تقول العام صابة.
  • العز بعد الوالدين حرام.
  • الغيرة تذهب الشيرة.
  • العزايز والهم الزايز.
  • الماء اللي ماشي للسدرة الكرمة أولي به
  • المخنوقة ضحكت على المذبوحة ياخي المصموطة ماتت بالضحك.
  • المجراب تهمزه مرافقه.
  • المشكور مقعور .
  • الناس من الناس. والناس أجناس:

ناس فضة وناس نحاس. ناس ذهب وناس الماس. ناس كيف التاج فوق الرأس وناس تحت الساقين تنداس. ناس كيف الملائكة،وناس كيف الوسواس الخناس. ناس تتباس، وناس تستاهل الضرب بالمهراس.

  • الزلقة بفلقة(يعني لكل خطأ ثمن).
  • الله لا تقطعلنا عادة.
  • الله لا يجعلنا جرة.
  • الله لا يشمت فينا عدو .
  • الله لا يحضرنا محاضر سوء.
  • الله لا يشمت فينا أعدا (أعداء).
  • الله لا يرخصلنا فريسة (المقصود بكلمة الفريسة هنا هو الجسد).
  • الله لا يكشف علينا حال .
  • الله لا يدور علينا زمان (أعوذ بالله من غدر الزمان).
  • الله لا يرد فاس على هراوة (العصا الغليظة).
  • الله يطيح بنا من يرفق بنا .
  • الله يلهينا بحوايجنا .
  • الله يلهينا برواحهنا (أنفسنا).
  • الله يكف يدينا على ما يذينا (يؤذينا).
  • الله يكفنا م الدين ودعاء الوالدين.
  • الله لا يثقللنا عظام (الظل الثقيل أو الثقل في الحركة عند التقدم في السن).
  • الله وعباد في كل بلاد.
  • الله يرحم من قرا وورى (من درس وعلم).
  • الله يرحم من ولد وربى (أنجب وربى).
  • الله يسمعنا على بعضنا علم الخير.
  • الله يعرفنا باللي خير منا.
  • الله غالب.
  • الاسم العالي والمربط الخالي.
  • الكثرة وقلّة البركة.
  • الكلب كلب وكان يغطسوه في الذهب.
  • المليح يبطا.
  • القرد في عين امه غزال.
  • البغل تبدل والكريطة هي هي.
  • اسكت يا عمار وهد الدار
  • الزمان تعكس الورد تقلع والبصل تغرس.
  • الجرح يبرى يا صبرة وتغطيه الضميدة وكلمة السوء تمسّي وتصبح جديدة.
  • المتغطي بمتاع الناس عريان.
  • اللي متعدي على زرع الناس، حط زرعك في الثنية.
  • اللي يقصد يقصد دار كبيرة.
  • اللي يقصد يقصد باب ربي.
  • اللي يعشق يعشق السمح والي يزرع يزرع القمح .
  • الجمل هازز الحمل والقراد ينين.
  • الجنازة حامية والميت كلب.
  • اللوم بعد القضاء بدعة.
  • المرا يخطبوها ألف وتبات عند واحد.
  • العمشاء في دار العميان للات لعيون .
  • اللسان الزين مدفوع في الدين.
  • البلدي بلدي ولو كان زيت ودردي.
  • الضحكة تجي عند رأس الميت.
  • اليتيم يتيم الأم.
  • اليد الحارة تتباس.
  • الهامل هامل لو كان يلبس من الذهب فرامل.
  • الميّت ما يقوم، والصاحب ما يدوم، وقليلْ الأصل ما عليه لُومْ.
  • الحظبىر من غمزة والبهيم من همزة.
  • العم عماني والخال خلاني والبو شق السبع بحور وجاني.
  • المال يخلف لهبال.
  • المال يغدى والرجال تجيبا.
  • الضيف ضيف لو كان يقعد شتى وصيف.
  • الزمان يوري واللي خانها زينها تعري واللي خانته رجولته يتبع الذري.
  • الحنة في الأقدام والسعد لقدام.
  • الحنا حرشا،و الحنانة عمشا،والعروسة طرشا.
  • الحالة حالة مساكين، والنفس نفس سلاطين.
  • الدقلة دقلة والعليق عليق.
  • الشتاء شدة والربيع منام والصيف ضيف والخريف هو العام.
  • اللي يجيبه الخريف، يديه (يفتكه) الشتاء .
  • الفلوس تغدى ( تضيع) والرجال تجيبها.
  • الزين في العقل، الي حاشته بالطول يلقاه في النخل والي حاشته بالهبرة يلقاه في البڨرة.
  • الوجه إلى تحشم به قابل به.
  • الفقر والفرعنة.
  • العجة سبب الهجة.
  • الفم يبوس والقلب فيه السوس.
  • الباهي باهي كان يقوم من النوم والمشوم مشوم كان يعوم كل يوم.
  • العظمة ما تقول تَقْ إلا ما فيها شَقْ.
  • البوسة تشيح والغمزة يهزها الريح أما الفائدة في الضرب الصحيح.
  • الفم ما يقول لا والقضية ما تتقضى.
  • الفم الحارك والزك البارك.
  • الفرطاسة تتفزعك بشعر لوزتها.
  • الحمام المكسور يرسي على القصر الخالي.
  • اشرب ولا طير قرنك.
  • الرجال تكسب والطحانة تحسب.
  • الذهب يرق يرق وما يتقطعش.
  • الباهي أصله يرجع عليه والخائب تتنحى له الزينة ويظهر الصديد اللي فيه.
  • الرجلة بحر والعوامة قلال.
  • ارقد يا حايرة واطمان مازالوا قوايل الرمان.
  • المغروم يجدد والبراني على برة.
  • اللي ماعندو فلوس لا يعنق لا يبوس لا يشم ريحة الحرقوس.
  • الرخ لا (لا للتقاعس في العمل).
  • اللي معاه ربي ما يغلاب.
  • الصحبة موش بالكثرة لكن بشكون تلقى وقت الغصرة (وقت الشدة).
  • انت كيسك معمر وانا ذراعي مشمر.
  • الحرث المغشوش خطوطو خسارة.
  • العرس في باجة وأهل جندوبة تصفق.
  • الدهر والزمان ما فيهمش أمان (أو الرجال والزمان...).
  • النفخة للجيفة (يقال لمن يتباهى بما عنده).
  • اكتب على الحوت وسيب في البحر (يقال لوعد زائف).
  • الصّبر كتّه والقلق مضرّه, وما يصير حلو كان بعد المرّه.
  • البهيم القصير اللي يواتي ينقز عليه.
  • الرجل الخفيفة تستاهل القص.
  • الثنية طويلة والعبيد مشاي.
  • الثنية طويلة والبغل هرقال
  • اخسر وفارق وقول ملا راحة.
  • العشق بعد الستين كيف المشي في الطين.
  • البومة كان جا فيها خير ما يتلفوهاش الصيادة.
  • الليل للنعاس والنهار للدراس.
  • الليل بوذيناتو والنهار بعويناتو.
  • الخلطة بلطة والجرب يعدي.
  • الاخوة كيف الردا زينه بلاش دفا
  • الدار دار بونا والناس يعايرونا.
  • اسال على دينك حتى يقولو مهبول.
  • اعطيناكم الفخار، أعطونا الصلاح.
  • الجمل كان يرا حدبتو تتقطع رقبتو ودقه في جنب غيرو كنها في حيط.
  • الخطوة تدل على المسير والبعرة تدل على البعير.
  • الباب اللي تجيك منو الارياح سدو وارتاح.
  • اليد ما تقاومش الملزمة.
  • الدوام يذوب الرخام.
  • الاستمرار يملّك.
  • الواحد مصارنو في ايدو ولاخر يقولو هات شوية للقطوسة.
  • البهيم كي يطيح يعمل فيها يتمرغ.
  • الدنيا يومين يوم لك ويوم عليك.
  • العبد في التفكير والرب في التدبير.
  • الصوم بلا صلاه كالراعى بلا عصاه.
  • أطعّم البهيم الزبدة وشوفو يطعمهاش.
  • المراه المراقه مرزاقه قتلوا بخلاف الي في الطاقه
  • الحجرة ما تذوب والي فيه طبة ما يتوب.
  • البهيم بهيمي ونعرف تنهيقو.
  • الدار داركم والعشا مالسوق.
  • الثّقه والأمان تدخّلك لدار السّلطان.
  • ابعد على دمك لا يشوهك.
  • الطبيب الزقلي قتلو صانعو.
  • العوج يزوك منو البقر.
  • الخو بخوه والعدو بعدوه.
  • الواحد قد ما يعيش يتعلم.
  • اليد في القصعة والعين في اللسعة.
  • العياط ع الثرد والماكلة على الزرزور.
  • الدار بلا صغير كيف الجابية بلا بير.
  • الوسادة تغلب الولادة.
  • السلفة سلوفة، والحماة كلبة حلوفة. واللوز مر، كسر وارم في الحفر.
  • المسلوخة تضحك على المذبوحة والمشوية تضحك عليهم الزوز.
  • السخطة عامة والرحمة خاصة.
  • المكتوب على الجبين لازم تراه العين.
  • الثار يمحي العار.
  • الثنية طويلة والبهيم دعثار (الطريق طويلة والحمار كثير التعثّر).
  • ابعد ع الشر/البلا وغنيلو.
  • ابك على البقره أمّ الثّور حرّاث.
  • الطويلة تقضي حاجتها والقصيرة تنادي جارتها.
  • الدنيا كيف دار البرقادي،ادخل منا اخرج من غادي.
  • الدنيا قش ،و اللي يتنفخ يتفش.
  • اعمل الخير تلقى الخير.
  • النعجة تتفوخر بليّة العلوش.
  • الزّبدة لزبيدة والخرية لعبيدة.
  • العشرة تحك النحاس .
  • الخالة من نخالة والعمة من دقيق واللي ما عندوشي عمة ما عندوش صديق.
  • الكبدة مشومة.
  • النوم بطل العالم.
  • المتسلفة مردودة.
  • الضيق والتزرزيق.
  • الحقار يموت ذليل.
  • الفقر ضارب اطنابو.
  • البير بير والماجل ماجل.
  • الصباح رباح.
  • العشرة اللي هانت يا ليتها ما كانت.
  • الوجه بالحرقوس و التراكن بالخنفوس.
*الي يركب البهيم يستحمل بصو

آ[عدل]

  • آش يخرج العروسة من دار بوها.
  • آش ايقول الميت قدام غاسلو.
  • آش تعمل يا عمايلك.
  • آش دخل شعبان في رمضان.
  • آش كون شكار العروسة أمها وخالاتها.
  • آش لــزّك حـــتّى الواد يهــــــزّك.
  • آش يشبّــــــــــع الجمــــل من التفـاف.
  • آشكون امشى للقبر وجاب الخبر.
  • آش مدخل بسم لله في عشانا.
  • آش لز حمه يغني.
  • آش لز حمه يغني حتى يقولو سكر.
  • آش مقعدك مع النخالة حتى يبربشك الدجاج.
  • آش يقول المريض قدام زرّيقتو.
  • آهو قيم فيها لاذان.

ب[عدل]

محمد الصادق باي - لقب «الباي» لقب تركي يعني وال أو حاكم إقليم أو أمير تابع للإمبراطورية العثمانية.
  • بيت وحدة مقضية وبيت زوز مطوية وبيت ثلاثة مطيشة في الثنية

(بيت الشعر كيف تكون فيها مرغ وحد تكون مقضية ومرتبة وكيف يكونوا اثنين كل وحد تتكل على الثاني ....)

  • الباي باي حتى في شكارة ( معناه مهما ساءت احوال الإنسان ذو الهمة العالية والانفة يبقى دوما عزيزا).
  • البهيم بكراه يلعن بوه و بو مولاه.
  • بابا وعندو بوه.
  • بابا ضربني بحبل قالي ما تعطي إلا ما تاخذ قبل.
  • بارك الله فيمن زار وخفف.
  • بال على روحو م الضحك .
  • بارك الله في من خدم خدمه و تقنها و لو كانت سخره.
  • باش ياكل الدنيا ويسّحّر بالاخرة.
  • باش تفرّط.
  • باع لو قطوس في شكارة.
  • باعها قطعها لف.
  • بايعها بلفتها.
  • ببوش بومصه مشى ما وصّى
  • البراني الشيطان .
  • البراني على بره.
  • البرد ينقّص م الحجرْ.
  • بصّ في اللوزه.
  • بعد الشّدّه يجي الفرج.
  • بعدما شبع قال أخ طاقه.
  • بعبوص الكلب إلّي يقطع بيك الواد ما تهمّكشي نتونتو.
  • بعبوص الكلب حطوه ميات سنه في قصبه كي خرج خرج معوج.
  • بعثوه يجيب في الطّبّاله جاب الصّبايحيّه.
  • ابعد عليّ خلّيني نتخذ .
  • بعّدْ لنثى ع الذّكرْ ما ترى شرْ
  • بَقْرَ الله في زَرْعْ الله.
  • بعد ما شاب هزوه (ادّاوه) للكتاب (يعني بعد ما أصبح مسن ادخلوه للكتاب للدراسة, يقال المثل عند القيام بالشيء بعد فوات الأوان).
  • بعد الحسوم بأربعين يوم نحّي كساك وعوم.
  • بعد السيف علق منجل.
  • بفلوسكْ تعنقرْ كبّوسكْ.
  • بفلوسك ما تصاحب جزّار.
  • البقره إذا طاحت كثرت سكاكنها.
  • بكر تاكل السفنج.
  • بوس الكلب من فمو حتى تقضي حاجتك منو.
  • بوسعدية خايف من الكلب والكلب خايف من بو سعدية.
  • بو بلاش ما يسواش
  • بوزيد مكسّي بوزيد عريان
  • باب النجار محطم .
  • بات على غيظ وما تصبح على ندم .
  • بات مظلوم وما تباتش ظالم.
  • بات ليلة حذا الجران صبح يقرقر (من عاشر قوما صار منهم).
  • بات ليلة سردوك ولا 10 دجاجة .
  • باش أموالفا يا قديدة .قالت بالملح والشريطة .
  • باش تكرّه روحك يا يتيم، قال بالجهد والمعين ربي.
  • باسها داخ رأسها، صلَّى العشاء لقاها نافسة .
  • بعد السيف علّق منجل .
  • بلسانك تصوحب البي.
  • بناو و علاّو و مشاو و خلاّو.
  • بنت زوالي و عوراء. زوالي =فقير بالتركية
  • بنت العم اضرب و ردّ للتّركينه. التركينة = زاوية الغرفة المظلمة.
  • البنت لا تردّ الورّاث و لا تشدّ المحراث.
  • بنت عمّكْ تصْبر لكْ على همّكْ.
  • بنى و علّى و مشى وخلّى.
  • بهيم وقدم قرعة.
  • بهيمك النكاس ولا قعدانك للناس.
  • بهيم الشركة يموت مدبار.
  • بهيمه تبيع وبهيمه تقبض.
  • بولة بلا بصة(إطلاق الريح) كي القزرنة(ثكنة) بلا عسة.
  • بين اللقمة والفم يا حاكم إلى حكم (بين اللقمة والفم ثمه حاكم يحكم).
  • بين الشاقي والمرتاح ألف مرتاح.
  • بين البايع والشاري يفتح الله.
  • برد الصيف أحد من السيف.
  • بعد ما كلا وإستهل قال عشانا بالبصل.
  • بساط الصيف واسع.
  • بالوحش مات الجحش.
  • باباي كان زناد وناي ناربعدا، والنار تخلف الرماد ويا شماتت لعدا.
  • بلاد ما تعرفش امّاليها شمّر و اخرا فيها.
  • بلع السكينه بدمها.
  • بلّي يبيع السارق رابح.
  • بناي ودارو طايحة.
  • البنّه في الزّبده و الخره للتّرفاس.
  • بنت العم مفكوكة من الجحفة.
  • بحشيشها بريشها.
  • بوك عاش زناد و أنت عشت بخش بعدو.
  • بيع البقره واشري زكره

ت[عدل]

  • تبّع السّارقْ حتى لبابْ الدّارْ.
  • تبني وتعلي، تمشي وتخلي.
  • تبرى الدبرة يا صبرة وتبرى عليها الضميدة، وكلمة السوء يا صبرة كل يوم تصبح جديدة.
  • تبديل السروج فيه راحة.
  • تعطيهم عينيك يطمعوا في حواجبك.
  • تعاركوا الخوات جدت على البهلولات.
  • تعدى على واد هرهار وما تتعداش على واد ساكت (أي أن تمر من على واد دائم التحرك والهيجان احسن من أن تمر على واد ساكن لأنه قد يخفي مفاجآت, كناية عن الشخص الدائم السكوت والغامض والذي يمكن أن نظن إنه مسالم ولكنه يخفي مفاجأت ويكون اعنف واشر من شخص دائم الكلام).
  • تاجوراء مارتيش عمر.
  • تالف من غير عارف.
  • تعارك الريح والبحر جات الضربة في المراكب .
  • تعارك سعد ومسعود هزو مباركة للحبس.
غربالين للدقيق

.

  • ترهدين النعجة ما يفهمو كان السارح
  • تعارك مع صاحبو في الشارع روح إلى مرتو طلقها.
  • تعيش الكلاب في روس المجانين.
  • تغطي في عين الشمس بالغربال .
  • تغيب السكرة وتحضر المداينية.
  • تعشى وتمشى و تغدّى و تمدّى.
  • تمشي عباد وتجي عباد وما يبقى كان حجر الواد.
  • تمشي أيام الحرويدة وتجي أيام النجيح نوادروحصيدة وتناجر مليانة بالعيش (تمشي أيام الفقر وتجي أيام زاهية ).
  • تتخبى تحت جناح الذبّانة ولا توفى في الجبانة.
  • تحت ذبانة ولا في الجبَّانةْ.
  • تحبلو رأس من نحاس.
  • تزرع تفاحة تطلع هندي. (عن خيبة أمل)
  • تزعبين الكبير، كيف النجاسة حذا البير. (التزعبين :التدلل والتغنج)
  • تجمبر كول وقمبر (من شدّة قسوة البرد في فترة قرة العنز، كان النّاس في القدم يجمعون العولة من البقول الجافة والكسكسي ومستلزمات أخرى يحتاجونها في البيت في تلك الفترة).
  • تكبر و تنسى.
  • ترمتو بالتمنتش وهو ينڨّز عَ اللهليبة. (مؤخرته مريضة وتخضع لعلاج بالصوف أو القطن وهو يقفز على اللهب)

ث[عدل]

  • ثمه ناس هوما هوما، وثمه ناس عسل في القرجومه، وثمه ناس ملك الموت ولا هوما.
  • ثنيه طويله آش يمشيها وعصا حديد آش يلويها.
  • الثنية ركازي والحمل بلار والبهيم دعثار.
  • ثنية لو طالت و بنت العم و لو بارت.
  • ثلاث عدياني عيني ووذني ولساني.
  • الثالثة ثابتة.

ج[عدل]

  • جاء يعاون فيه على قبر بوه هربلو بالفاس ( أي استنجد به لاعانته فزاده تعب على تعب ومشاكل على مشاكل).
  • جاء كاري ولا ملاك/ جا كاري أصبح ملاك ( يقال للشخص الذي تبنى المشكل كأنما هو مشكله، بعدما كان مطلوبا في رأي فحسب).
  • جاء يحرقسلها عماها.
  • جاء يطبها عماها .
  • جا يتزعبن ياخي حصل.
  • جا يقلد في مشية الحمام نسى مشيتو .
  • جا يقول صحة قال سداف .
  • جاء يلعب ياخي حصل.
  • جاب الصيد من وذنه.
  • جابها لروحو.
  • جات المهبولة تعرّس هرب الطبّال من المدينة.
  • جات و ربي جابها.
  • جات تشكيلو من هم الرجال قاللها اسكت توا ناخذك.
  • جات المهبولة تعرس هرب الطبال من المدينة.
  • جاك الموت يا تارك الصلاة.
  • جاك البلا يا غافل.
  • جاي يحبي من تحت الي يمرد.
  • جاي من تالي ويعيط يا مالي.
  • الجرح يبرا يا صبرا وتبرا عليه الضميدة، أما كلمة السوء تبات ومن غدوة تصبح جديدة.
  • جرح الاخوة يبريه الدفال.
  • جزار يعضم على مراقزي.
  • جمل ضحك ضحكة فمو تشرق.
  • جمل ما يشوفش حدبتو.
  • جهامة و بهامة.
  • جنازة حامية والميت كلب.
  • جيعان و طاح في قصعة.
  • جيت و ربي جابك.

ح[عدل]

طبق مسفوف تونسي مع حبوب الرمان والزبيب

.

  • حانوت مسكّر ولا كرية مشومة (مشومة = سيئة).
  • حابسة وتمركي .
  • حالّة جعفرية.
  • حالّة فاتارية.
  • حَبْلُ الكذب قصير وحبل الصِّدق طويل.
  • حتى هو ربي مخصي العفاريت.
  • حج وزمزم وجاء للبلاء متحزم.
  • حدك حد المسقي...أما المسفوف يغصص .
  • حديثك مع اللي ما يفهمكش ينقص في الاعمار.
  • حرث العجول ما يكبّر نوادر .
  • اربط البهيم بحذا لبهيم ما علمو الشهيق إعلمو النهيق.
  • حط بوشك في صعدة وقول قدر عليه ربي.
  • حط كوزك في الحدراية وقول سرسباته الملائكة .
  • حط كوزك في الحدرة وقول تبزع .
  • حط ولدك مع البهيم إذا ما علمو النهيق ، إعلمو الشهيق .
  • حط الفلوس على فم الميت يضحك.
  • حظر الحصيرة قبل الجامع.
  • حكم العازب عالهجالة أرجع صبية تو ناخذك.
  • حكّان دكّان لكلنا وخيّان.
  • حلال عليكم، حرام علينا.
  • حل الصرة تلقا الخيط.
  • حليل اللّي ماتت أمّه ،ڤبر يغُمّه.
  • حمل الجماعة ريش ( أي أن الشيء الصعب او الحمل الثقيل يصبح سهلا وحملا خيفا إذا تعاون الجميع عليه).
  • حمورية في الوجه ولا غصة في القلب .
  • حوت يأكل حوت وقليل الجهد يموت.
  • حوتة وخمسة وقرن غزال.
  • حيوط مدرقة وهموم مفرقة.
  • حسبنا حساب اللّفعة والعقرب ما جاتش عالبال.
  • حلو و مر حتى يتعدى العمر.
  • حنانة الدجاجة بلاش بزازل.
  • حيط القصير يازيانة
  • حضبة و شهود على ذبيحت قنفود.

خ[عدل]

  • خلت راجلها ممدود ومش تندب على محمود
  • خوذ العلم من روس الفكارن.
  • خانتها ذراعها قالت مسحورة/اللي يخونو ذراعو يقول مسحور (كناية عن الشخص الذي تخونه قدراته فيبدأ يبحث عن أسباب وتفاسير يعلق عليها فشله).
  • خدمة بوه لا يعايروه.
  • خدمة النهار ما فيها عار وخدمة الليل ما فيها ٱلا القحاب و الناك يمقحب .
  • خيرنا ماشي الغيرنا.
  • خوك خوك ولا يغرك صاحبك.
  • خناب (سارق) الدجاج حط يده على رأسه.
  • خنفس دنفس، بات متعشّي.
  • خلات راجلها ممدود ومشات تعزي في محمود.
  • خمسة وخميس الحاضر محمد والغايب إبليس.
  • خويا من بابا كيف النار اللهابة، وخويا من امي كيف العسلة في فمي.
  • خوذ واعطي وشارك الناس في مالها.
  • خوذ بنات الأصول لعله الزمان يطول.
  • خوذالمرا و إسئل على باباها كيف أصلها راهو يجيك ضناها، خوذ المرا و إنشد على إميمتها إيدور الزمان و تجيب من صنعتها
  • خوذ أولاد الأصول لعلى الزمان يدور.
  • خصك السواك يا معوجة الحناك.
  • خالتي وخالتك وتفارقوا الخالات.
  • خذا قطوس في شكارة (يقال فيمن يقتني شيئا لم يجربه ولم يختبر جودته. فيقع في فخ الغش).
  • خزرانك للمليح تسبيح.
  • خبزو مخبوز و زيتو في الكوز.
  • خمسة من سطاش. (5 من 16)
  • خرطة ولا ورطة.
  • خاف ملّي ما يخافش ربي.

د[عدل]

شربة تونسية
  • دنيا بلا مقاعر خالية
  • دار بونا وعاركونا.
  • دزو خوه طاح في الشربة.
  • دير العولة لبرد الليالي و دير الخير في اليتيم و الزوالي و إستنى رحمة الرب العالي
  • دار خًر طُر تدقّ الباب يحلّولك الكل.
  • دار خًر طُر دقّ الباب خرجوا الكل.
  • دار الخلاء تبيع اللفت.
  • دار النجار بلا باب.
  • دار بلا كبير كيف سانية بلا بير.
  • دار بلا زميم كما اللي راكب على بهيم.
  • دوخة تدخل مالباب تخرج مالخوخة.
  • دقازة بسبيبه واللي في القلب نجيبه.
  • دبّك دبّك، إذا ما تحشمش حد ما يردك.
  • دخلناهم يشربوا في الرايب قالوا حقنا فالزرايب.
  • داخلين قبه، خارجين قيام.
  • داخل سوق البصاصين بلا ترمة.
  • دوحي يا مباركة.
  • دوام الحال مالمحال.
  • دخّل خرّج ربي يفرّج.
  • دحدحني كان مزلت تشبحني.
  • دهدص دهدص وطاح على فولة مسوسة.

ذ[عدل]

  • ذيل الكلب حطوه 100 سنة في قصبة طلع أعوج (دليل على فساد الطبع).
  • ذيل الكلب حطو في القالب 40 سنة عمرو ما يتقد.

ر[عدل]

  • رأس الفرطاس قريب لربي.
  • رأس القرطلة خامج (مرادف للقولة: إذا كان رب البيت للدف ضاربا فشيمة اهل البيت الرقص).
  • راسي وراسك يا مهمومه اني لغراب وانت البومه.
  • راني في خير و سرور. المقفول يغلي والكسكاس يفور.
  • راقد على صدرها وناوي غدرها.
  • راقد ورجليه في الماء.
  • رجعت حليمه، لعادتها القديمه.
  • رضينا بالهم والهم مارضاش بينا.
  • رتاحت العمشة من غسيل الصابون.
  • رخص الحرير حتى مسحوا به الطناجر.
  • رد بالك، رزق حد ما يفكّو حد.
  • رد بالك من السكبان يحرش القطوس ويبكي مع الفيران.
  • رد بالك من الرهدان الوجه وجه الرحمة والقلب قلب الفحمة.
  • ربص و تربص لا تهبل و تبربص.
  • ربي اللي عطاك، يعرف باب دارنا.
  • ربي كريم ورحمته واسعة.
  • ربي ما ينساش عباده.
  • ربي مخصي(أو) كساس العفاريت (رادع كل ظالم).
  • ربي من فوق يخلص الحقوق.
  • ربي موجود على عباده يجود.
  • ربي عنده ياسر ومخبي.
  • ربي يعرفنا باللي خير منا.
  • ربي يطيح بينا ما خير منا.
  • ربي يكبرنا في طاعته.
  • ربي يعرف ميمونة وميمونة تعرف ربي.
  • ربي يحبس علينا العقل والدين.
  • رصّاتلو على بره.
  • رصّاتلو في الضحضاح.
  • رقاد الجبّانه ولا عيشة الهانه.
  • رقبتو تحت الموس.
  • ريتوشي عيشة في سوق الوزر ( كالباحث عن الابرة في كومة قش).
  • ريض لا تصبح مريض.
  • ريح السد يهز ما يرد.
  • ريين خير من راي (راي اثنين خير من راي واحد).
  • رخص الحرير حتى مسحوا به الطناجر ( يقال للشيء أو الشخص اللذي تنقص قيمته كثيرا ).
  • راحة البال ما تتشرى بالمال.
  • راجل بلا كرش كي بيت النوم بلا فرش.
  • ركبوه ع البهيم مد يدو للزنبيل.

ز[عدل]

  • زوز مافيهم فائدة القهوة الباردة والمرا الي تصبح راقدة
  • زعمة يا لعمى يجيك نهار و تشوف؟
  • زيد الماء زيد الدقيق (يقال للعمل غير المتقن الذي يطول دون فائدة بسبب غياب الخبرة).
  • زيد ع الكنة، سمراء وبالخنة، ومكسورة السنة.
  • زيادة الخير ما فيها ندامة.
  • زيتنا في دقيقنا وخيرنا في خميرنا.
  • زيت النضوح يسرح البلحوح.
  • زين القطوسة تولي عروسة.
  • زير متكي، لا يضحك لا يبكي.
  • زين الطفلة في البياض والرياض والفخاذ العراض.
  • زي تحلب بقرات الوالي زي ترقد متكي.

س[عدل]

حقول قمح في المناطق القريبة من مدينة باجة

.

  • سباقة وجراية وما تاكلش الشعير.
  • سماوها صالحة هترت.
  • ساعة القضا ليهاغفلة.
  • ساق في البر و ساق في القبر.
  • سارق وفي يدو شمعة.
  • سَبِّقْ الخِير تَلْقى الخِير ( يقال في التفاؤل خيرا بما قد يحدث ).
  • سبعة صنايع والبخت ضايع.
  • ستنّي يا دجاجة لنّ/حتى يجيك القمح من باجة (قد يطول إنتظار المَرْء لما يريده).
  • سعود موش تعرية زنود.
  • سعدك يا الأطرش (يقال عند سماع صوت مزعج).
  • سعد إلي جاب بنية، منها اميمة ومنها وخية. محظوظ-ة من أنجب-ت بنت فتكون له-ا الأم والأخت.
  • سكّر تلقى ما تحل (الإحطياط واجب).
  • سمعنا بالخميرة عملنا ما يقطع المصارن.
  • سماوها صالحة هترت.
  • سوّدْ وجْهك وقولْ راني فحّام.
  • سوق النساء سوق مطيار يا داخل رد بالك يوريوك من الربح قنطار ويبيعوك في راسمالك.
  • سيب الماء على البطيخ.
  • سيب الحمام واجري وراه.
  • سيّب صالح.
  • سي ترومها زميطة عم التركي (كيف ترفض شي في البداية ويكون مفروض ان تقبله في النهاية )

ش[عدل]

  • شاشية هذا على رأس هذا.
  • شاف قمح الناس بزع شعيرو.
  • شافوني ساكت، حسبوني نيّة، راني مسكر فمّي موش عينيا .
  • شعيرك ولا قمح الناس.
عريسة من جزيرة جربة التونسية بالحنة.
  • شوية مالحنة وشوية من رطابة ليدين.
  • شتاتك في ربيعها ووزرتك ما تبيعها.
  • معناها أن الدنيا ممكن تبرد في أول أيام الربيع إذا ما تبيعش وزرتك يعني ( الغطاء) بلاكش تبرد الدنيا.
  • شد مشومك لا يجيك ما أشوم.
  • شهوة الصبية بالالوف مشرية.
  • شمس النوار تخلي الدوار (شمس الربيع مضرة).
  • شاقي ولا محتاج .
  • شرط العازب على الهجالة ( الهجالة هي المرأة المطلقة).
  • شلاقاتي وملاقاتي، نشق على قلبي وأفادي، ونقصد بلاد لا غير بلادي.
  • شهوة صبية بالالوف مشرية.
  • شلز حمه يغني.
  • شدوه للعشا ربط بهيمو وبات.
  • شتي قبل الناس، وصيف بعد الناس، ما ترى باس (بأس ).
  • شاركت جارتها في أفراحها ونسات همومها واتراحها.
  • شبيك كي صبية وسلات (قبيلة تونسية) تهني وتعزي وتصلّح الغضبانات.
  • شكون مشى للقبر وجاب الخبر.
  • شكون يقول للصيد فمك أبخر.
  • شكشوكة من غير زيت.
  • شادد في كحة.
  • شعل النار وقول الدخان منين

ص[عدل]

  • صنعة بوه لا يعايروه (عندما يرث الابن مهنة ابيه).
  • صارت غريبة لا عمرها صارت الخيل عقبت والبهايم غارت (أي أن اهل البلاد قد دخل عليهم الغرباء(البراينية) وأصبحو أكثر من السكان الاصليين).
  • صام صام وفطر على بصلة.
  • صبيّع بنية عمران فطرت عليه رمضان : يقال في من يهوّل المشاكل الصغيرة.
  • صبري على روحي ولا صبر الناس علي، نداوي جروحي بروحي ولا من يعلم بيّا.
  • صب الدوا في العين العورة.
  • صاحب صنعتك عدوك، ولو يكون خوك.
  • صاحب النفس موش صاحب.
  • صباح الخير يا جاري، انت في حالك وانا في حالي.
  • صابة أولاد خير من صابة مال.
  • صاحب التدبير، قبل ما يسرق صمعة يحفر ليها بير.
  • صام نهار من رمضان، قال العيد آش مازالو؟.
  • صباح الخير يا جاري أنت في دارك وأنا في داري.
  • صبر على صبر يوصلوا للقبر.
  • صحتي خير من مالي، خير من خرصي وخلخالي.
  • صغير السّو يجيب النعلة لوالديه.
  • صنعة المغبونة، الرحى والطابونة.

ض[عدل]

  • ضاق عليه قبرو طلع فوقو يأذن.
  • ضحكولو تمد على طولو.
  • ضربني وبكى سبقني وشكى (الظالم يشتكي من المظلوم).
  • الضحك ساعة والبكي مشوار.
  • ضربها راجلها دارت على سلفها.
  • الضحكة تجي عند رأس الميت.
  • ضرب البنادر يشطّح.
  • ضحكوا عليّا، ضحكت معاهم.
  • ضربة بالمملسة وضربة بالقادومة.
  • ضربة بموس ولا ريح معكوس.
  • ضرب عصفورين بحجرة وحدة.
  • ضربتين في الطبل يقعروه.
  • ضرب الملاح تفاح.
  • ضربة من يد معلّم ولا عشرة من يد صانع.
  • ضيف ليلة ما توريهشي عارك.
  • ضيق المراح يعلم النط
  • ضرب الطوب والا الهروب


ط[عدل]

  • طول الخيط يتلف الابره.
  • طول بلا غلة.
  • طامع في الكسرة من دار الشر.
  • طحان وفي يده سبحة.
  • طلّقها... وعشقها.
  • طاح الكف على ظلو.
  • طول العشرة تعرفك الذهب من القشرة
  • طحان تحتو طحان والكلو يبات فرحان.
  • طاح القدر وفات العيشة.

ظ[عدل]

  • ظاهر عليكْ (تقال للسخرية من المخاطب وتصغير شأنه وإإبرازه في صورة العاجز).
  • ظهر البهيم وفى (لا يمكن أن أتنازل أكثر ممّا فعلت).
  • ظنّ عاقل خير من خبر سفيه.
  • ظريف الجبالة، جا يشعل القنديل حرق النوالة.
  • الظل كرمه والهواء زيتونه.

ع[عدل]

عطوه الكراع مد يده لذراع

  • على البصقة يشد فران
  • على الحس يقسم الباي
  • عاش شاهي بلحه مات علقولو عرجون.
  • عاش شاهي عنبة مات جابولو عنقود.
  • عاش ما كسب مات ما خلى.
  • عاش يتمنى في عنب مات جبولوا عنقود ما ينجح فنان الغلبة إلا من تحت اللوحود.
  • عاشرني مليح ومن بعد شوف كلام الناس غالط وإلا صحيح.
  • عاشر يامعاشر لا بد منها الفرقه.
  • على البوهالي طلق مرتو وعطأهالي.
  • على زهر اليتيمة خرج القاضي من المدينة.
  • عامل/اعمل روحك مهبول تعيش (اعمل فاها مجنون تعيش).
  • عروسة ونافسة وليلة عيد.
  • عريان يسلب في ميت.
  • عريان وفي يده خوسه.
  • عريان مع عريان ما يتقابلو كان في الحمام.
  • عزوزة هازها الواد وهي تقول العام صابة.
  • عزوزة... وشدت سارق.
  • عزوزة ما إهمها القرص.
  • عصفور في اليد ولا عشرة فوق الشجرة.
  • علموه وحاروا فيه.
  • عملوها لوزر ووحلت فيها لبقر.
  • عمرو الخاتم ما يولي خلخال. .. وعمرو المال ما يرفع الانذال.
  • عيطة وشهود على ذبيحة قنفود.
  • عــين تــبــكــي وعــين فــي اســمــاعـــيـــل.
  • عين تندب وعين في إسماعيل.
  • على عينين حماتي.
  • عود الصيف ينفع في الشتا.
  • عيش بالمنى يا كمون.
  • عشا البخيلة لا ماء لا منديلة.
  • عز نفسك تصيبها, النفس نفسك وانت طبيبها/النفس نفسك وانت طبيبها وين تحطها وين تصيبها.
  • عزيز النفس يعطي الحق ما يطلبوش.
  • عيشة كسبت غرزة وحمد دار حصان.
  • على ريحة الريحة قطّعنا خدودنا شريحة.
  • عينو في غرارة وهو يغمز.
  • عارك وخلي للصلح مكان.
  • عروسة وزغرطولها في ذنيها (بمعنى الآذن).
  • عشرين ابره ما يجو في مخيط.
  • على جال الزيت تتعدى الفيتورة.
  • عوج يزوّك منو البڤر.
  • عقرب لا تقرب.
  • عمل الريحة.

غ[عدل]

غراب اعور طاح بفولة مسوسة

  • غرغر يا غراب. (انتهى الحديث).
  • غيرة المرا مفتاح طلاقها.
  • غلبتها حماتها دارت على ضرتها.
  • غيب يا قط، العب يا فار.
  • غلبو وقتو، دار على مرتو.
  • غربت النسورة.
  • غريبتهم غريبة.
  • غريب و جالي ، عمرت وكر الناس ، و وكرك خالي.
  • غلب تزوّك منو البڤر.
  • غربوز محشي في عديلة.

ف[عدل]

Wikipedia logo اقرأ عن فردة ولقات أختها (فيلم). في ويكيبيديا، الموسوعة الحرة

.

  • في المال ولا في الابدان.
  • فردة ولقات اختها.
  • فيق يا شفيق.
  • فاتاتك ليلة الدخول يا مهبول (تأخرت).
Wikipedia logo اقرأ عن في هاك السردوك نريشو (مسرحية). في ويكيبيديا، الموسوعة الحرة

.

  • فليّس مع فليّس يولّي كديّس.
  • فرحة وما دامت.
  • فرطاسة تتفزعك بشعر مرت خوها.(فرطاسة=ليس لديها شعر)
  • في هاك السردوك نريشو.
عصيدة تونسية حارة

.

  • فتحوها الفيران، طاحوا فيها الثيران.
  • في بلادك يعدّيك ساسك، وفي بلاد النّاس يعدّيك لباسك.
  • في الزمان المعكوس، الذنابي تولّي روس، ويسكت المنيار ويتكلّم الخنفوس.
  • فاش تمضغ يا جدّة؟ في علكة عامنوّل.
  • فارعني كي نكبر وما تبكيش عليا كي نموت.
  • الفم في المقلى والعين في النادر. (من يهتم بكل ما حوله)
  • في التراب ولا لولاد الحرام.
  • فرحنا باللي كلا ما عليك باللي قال لا.
  • فرحان بالعصيدة يتصكك عريان.
  • فالكم عند صغاركم.
  • فمي مغلوق وقلبي صندوق وربي من فوق يخلص الحقوق.
  • في الوجه مرايا وفي القفا فلاية (أو في القفا سكين).
  • فين مشات فلوسك يا حمّار؟ في الصفيحة والمسمار.
  • في أوسّو زيتك ما تدسّو.
  • في ما مضى يا شمس يكثر خيرك، ما ترزقيش اليوم يرزق غيرك.
  • فجعان الذيب ولا قتلانو.
  • فاعل الخير هنيه وفاعل الشر يموت هالك.
  • في دارها نعّاسة و في دار الناس دعّاسة.
  • فلوس المهبلة تعمل الجرب
  • فلوسي قلال أما حلال، صحابي قلال أما رجال، القلب ديما صافي و الهمة تهد الجبال

ق[عدل]

  • قالو يقوي سعدك قلو توة توة.
  • قالو : يا خالي آش تكون منّى؟ قال له: إذا ماتت أمّك، لا تكون منّي لانكون منّك.
  • قالو يا حما ماكنتش كنّه، قالت : كنت ونسيت.
  • قالو للبغل شكون بوك, قاللهُم الحصان خالي.
  • قالو شنوه إلى دخلك في الحيط يامسمار قالو من الهم إلى ورايا.
  • قالو بابا وقتاش نوليو شرفا (شرفاء/علية القوم) قالو حتى يموتو كبار الحومة.
  • قالو "وخّر وخّر" قالو "ظهر لبهيم وفا".
  • قالّو "يا بابا خوذلي مرا". قالّو:" كان دام علينا ها الحال حتّى أمّك انطلقوها".
  • قالولو يا لعمى أش تحب قاللهم شكارة ضؤ.
  • قصوله يده جات مليحة للطنبور.
  • قرب النار حذا النار الخو يولي جار.
  • قص الرأس تنشف لعروق.
  • قلل ناسك يرتاح راسك.
  • قال الربيع أنا بزهوري، وقال الصيف أنا ببقولي، وقال الخريف أنا بد قولي، وقال الشتا لمو وهاتولي (اجمعوا وأعطوني).
  • قطعة حبل وجايبها واد.
  • قلب المومن خبيرو.
  • قالو انفخلي على عيني قالو ما عنديش هواء.
  • قالوا للجمل زمّر قال لا شفايف ملمومة ولا صوابع مضمومة.
  • قد ما تربي تصيب كان فرخ بنادم والذيب.
  • قالو ويني وذنك قالو هاويني.
  • قالولو تفهم في العلم، قال نزيد فيه.
  • القمح يدور، يدور ويرجع إلى قلب الرحى ( يعنى كل شىء يرجع لأصله ولا هروب من ذلك).
  • قامت القيامة و شاشت النعامة.

ك[عدل]

وقع تسمية الباب بباب منارة نسبة إلى المشكاة التي كانت بجداره لهداية المارة في العهد الحفصي.

.

  • كسب خيشة بعد عراه ولى يمشي ويتلفت وراه
  • كل فولة خامجة ليها فروج اعور.
  • كان الضبع يجي حجام حتى الغولة تجي طبيبة.
  • كان الكذب ينجّي .. الصدق أنجى وأنجى (يعني ممكن انك تنجو مرة من مأزق بفضل كذبة, لكن بالصدق تنجو دائما).
  • كان المهبول ياكل ويبة العاقل ما يعطيهالوش. (أو كان المهبول ياكل عشانا الكل العاقل ما يعطيهش ليه).
  • كان جا الخو ينفع/يحن علي خوه ما يبكي حد علي بوه.
  • كان جا النواح بالطلبة لاترحم من مات.
  • كان جا النوم يكبر راهو كبر القطاطس.
  • كان جا فالح راهو من البارح.
  • كان جا الكلام الكل يتقال، راهي التنهيدة ما تخلقتش .
  • كان جات جابها حبي كان مشت بقدرت ربي.
  • كان الكلام من فضة يكون السكوت ذهب.
  • كان صَاحْبْـك عْسَل ما تَلّحْسُوشْ الكُل.
  • كان صبت اندبي وكان ما صبتش اندبي.
  • كان الصيف نار، الخريف جنة.
  • كان يمشي للبحر ينشح (يجف).
  • كان عندها زيت في عكتها (العكة:الآنية التي يحفظ فيها الزيت) راهو بان على قصتها (القصة بضم القاف تعني غرة المرأة).
  • كان جا عندك سعد يا أمّ سعِيد ما يموتش راجلك نهار العيد.
  • كان صبرت راك حجيت.
  • كان قاعد قام يبوس في الحيط.
  • كانت تشخر زادت بف.
  • كانك خياط تبع الغرزه.
  • الكذاب زيد شوية واسألو/الكذاب اصبر ساعة وانشدو.
  • كل من كان عالي وطى وكل من كان سارح بالشياه هطى .
  • كل من كان عالي وطى(كل من كان متكبر أصبح خسيس)كل من كان سارح بالشياه هطى ( كل من كان سارحا قام بالنزوح إلى المدينة ).
  • كل قوة للضعف ترجع.
  • كل توخيرة فيها خير .
  • كل من سمن يهزل وكل من طار ينزل.
  • كل فول لاهي في نوّارو.
  • كل واحد مغرفتو أش هزت.
  • كسرى وماء والراس في السماء.
  • كسرة والوجه باشر ولا لحمة والوجه كاشر.
  • كل شاه معلقة من كراعها .
  • كل شيء أحباس إلا النظر يا ناس.
  • كلام الليل مدهون بالزبدة تطلع عليه الشمس يذوب (يقال لمن يقول كلام ويعد بوعود وفي الآخر لا ينفذ شيء).
  • الكلام والمغزل.
  • كلامك مع اللي مايفهمكش ينقص في العمر.
  • كلب ينبح على طيارة.
  • كول مليح وإلبس مليح وخلي الناس تحسب في الريح.
  • كول ماكلة اليهود وارقد في فرش النصارى .
  • كولها من يد شبعان إذا جاع وما تاكلهاش من يد جيعان إذا شبع.
  • كالمنشار طالع ياكل هابط ياكل.
  • كول وإلا طير قرنك.
  • كون صيد وكولني
  • كل علة زارت للا حتى من بغلة عبد الله .
  • كل علة زارت للا وحتى علة ما هزت للا.
صورة قديمة لمرأة تونسية تكسكس الكسكسي

.

  • كسكسلو يرجع لأصلو (يشبه هذا المثل التونسي المثل العربي الطبع يغلب التطبع).
  • كنت بالهم القديم راضي، جاني الجديد زاد أمراضي.
  • كثرت العموما (جمع عم, ويقصد بها الأقارب) في السنين المشومة .
  • كثر الهم يضحك.
  • كي التبيب لا صاحب لا حبيب.
  • كل شيء دين حتى نديب الخدّين.
  • كل نص يميح لنصه، واللي ماح لغير نصه، عقله خصه.
  • كي يموت الجمل تتفرّق العدايل : عندما يموت الأب يتفرّق الأبناء.
  • كان صبر القاتل عالمقتول راو مات وحدو.
  • كان لقيتو غارق كبّو ماكش أحنّ من ربّو.
  • كل قدير وقدره.
  • كل زير يلقى غطاه.
  • كل بقعة مقابلة وجه ربي.
  • كل بلاد وارطالها.
  • كلمة لا ما تجيب بلا.
  • كراع البهيم عمرو ما يولي زكرة.
  • كب البرمه على فمها، كل بنيه تطلع لامها.
  • كبرنا و تعرت ترمنا.
  • كبّش كي قرقنة.
  • كل ما حضر والبس ما ستر.
  • كثر مالعسل يمساط.
  • كحلتي باطل سوكتي باطل لا جيتي لا عالبال ولا علخاطر.
  • كول على كيفك والبس على كيف الناس.
  • كي لحمة الكرومة متاكلة و مذمومة.
  • كي الزيت فوق الماء.
  • كي السمنة عل العسل.
  • كي الزيت بلا فتيلة.
  • كي رجل البغل القدامية (الامامية) لا تصك ولا تحك.
  • كي إحتجتك (أو حاجتي بيك) يا وجهي خبشوك القطاطس.
  • كي سلُّومْ النصارى.. الطولْ والخسارة..( في زمن الإستعمار كانت كلمة النصارى وكذلك الروامة (الروم) تطلق على الفرنسيين والأروبيين عموما.. ويعني المثل : الشيء الفاقد للجدوى مع أهمية شكله).
  • كي قنديل باب منارة ما يضوي كان على البراني.
  • كي الزير المتّكّي... لا يضحّك ولا يبكّي...( يعني هذا المثل الإنسان الفاقد للجدوى: مثل الزِّير وهو القلّة الكبيرة المستعملة للتخزين، المتّكّإ... لا يُضحِك ولا يُبْكي).
  • كي الملح ما يغيب على طعام (الشخص الي تجده ذو رأي في كل المواضيع وحاضر في كل المناسبات).
  • كيد الرجال كيدين وكيد النسا سطّاش (ستة عشر).
  • كيد النسا اثناش (اثني عشر) وكيد الرجال مافماش .
  • كيد النسا كيدين تتحزم باللفعة وتخلخل بالعقارب في الساقين .
  • كيد النسا كيدين ومن كيدهم ياحزوني، ركبت على ظهر الصيد وقالت الحداي ياكلوني.
  • كيف سيدي كيف جواده.
  • كيف الحكة كيف غطاها.
  • كيف قطاطس باردو الشر والخلاعه.
  • كيف الريه الرطابه وقلة اليدام.
  • كيف تهبط للبير طوّل أحبالك، و كيف تحكي مع البهيم وسّع بالك.

ل[عدل]

زهور الدفلة
  • للي فيه طبة عمرها ما تتخبى.
  • لا دخّلْ ايدِك للمغَاغيرْ لا تلسعكْ الِحنوشهْ.
  • لا طاح ولا دزوه.
  • لا حر خير من حر ولا حدْ باباه باشا.
  • لا تاخو المطلق لا تعيش معلق .
  • لا تجري جري غزال في مهمودة .
  • لا تجري جرية النعامة ولا تشابط سماء بيديك، ما تاخذ الا ما يكتبلك وما تكسب الا ما يعطيك.
  • لا تهزك نفخة ولا تغرك عباد، النار عملت من الفحمة جمرة وخلاتها رماد.
  • لا تحرم حَبيْبة من زبَيْبة
  • لا تحسبوا الرقص طربا فالطير يرقص مذبوحا من الألم .
  • لا تحل عين ولا توحل في سدانها .
  • لا تدخل إيديك في مغاغر لا تلسعك العقارب/الحناش.
  • لا تفكر في المفقود حتى لا تفقد الموجود.
  • لا تنــــدب لا تشـــد الطفلة.
  • لا توصّي يتيـم على نواح.
  • لا يعجبك نوّار دفْلة في الواد عاملْ ضلايلْ ولا يعجبك زين طُفْلة حتّى تشوف الفعايل.
  • لا ينفع في البالي ترقيع ولا في صاحب السوء عزاره.
  • لا مغلوب في خير.
  • لا تخلط روحك بدشيشا لا تبربشك دجاج.
  • لا يفرّق لا بين الكفته لا بعر الجحـــــــوش.
  • لابد للبومة من غادي .
  • لا غاضني لا ڤمح ولا شعير ولا غاضني كيّالو ، ما غاضني كان خيار الخيل باعوه براس مالو
  • لسانك صوانك إذا صنتو صانك واذا خنتو خانك .
  • لشكون تجري/اخدم يا تاعس للراقد الناعس .
  • لشكون تحرقس يا مرة الٱعمى.
  • اللي ليك ليك واللي خاطيك خاطيك.
  • لقى مدينة خالية، قام فيها الآذان.
  • لو تلبس من الذهب صريمة ما نراك كان بالعين القديمة.
  • لقات راجل وتلوج على عينيه.
  • لقاها تبكي من هم الرجال قلها أسكتي تو ناخذك.
  • اللا وية في الهاوية والخامرة في القرطللة.
  • اللي ماخلالو بوه وجدو قداش يعاني جلدو.
  • لا يرد فاس على هراوة (العصا الغليظة).
  • لا يجعلنا جرة (مصدر ضرر أو سوء).
  • لقاها تبكي من هم الرجال قلها تاخذيني.
  • لا عرس لا طهور، قام الطبّال يدور.
  • لا تاذيني ولا ناذيك.
  • لا تاخذ رقيقة السيقان اللي ضلوعها بالعدادي هي تنادي على الهم والهم عليها ينادي.
  • ليلة على دليلة.
  • لا يبل لا يعل.
  • لو كان الخو ينفع خوه مايبكي حد على بوه

م[عدل]

ما يْحِس الجَمرة كان الِّي يعْفَسْ عليها

.

  • ما يْحِس الجَمرة كان الِّي يعْفَسْ عليها ( الألم لا يشعر به إلا صاحبه الذي يعيشه ).
  • ما أقربش من رحمة ربي.
  • ما ناقص المشنوق كان ماكلة الحلوى.
  • ما يجي لبوه كان الفكرون .
  • ما خص (من الخصاصة) المشنوق كان ماكلة (إلا أكل) الحلوى.
  • مَا يْـلِزْ لِلْمُر كان إِلِّي أَمَر مِنُّو( يْلِزْ = يدفع / ما يدفع للمرّ إلاّ ما هو امرّ منه).
  • ما يقولوش : قدّاش غاب؟ يقولو : آش جاب.
  • ما تاخوش هجّآلة وكان يبدى خدّها مشموم، قد ما تكركر وتجيب تقلّك يرحم المرحوم.
  • ما يغلب السّارق كان القطعي.
  • ما توصّي يتيم علي نواح.
  • ما كحّلت العمشاء، كان العرس وفا( وفا يعني انتهى، يقال المثل لمن تأخر في الاستعداد لشيء حتى يخشى فواته ).
  • ما يغلبك كان اللي يقولك أعطيني متاعي.
  • ما يغلبك كان اللي يقلك رجعلي فلوسي .
  • ما يدوم في الواد كان حجرو.
  • ما يبكيلك كان شفرك وما يحكلك كان ظفرك.
  • ما يوكلك في العيش كان اصباعك وما يطلعك من الضيم كان ذراعك.
  • ما يطوّل ربي كان في عمر الكلاب.
  • ما يغلب الرطل كان الكيلو.
  • ما دواء الكساد كان الفساد .
  • ما دواء الكفر كان سبّان الدين
  • مخيبك يا صنعتي عند غيري.
  • ماذا من متهوم في الباطل شنقوه, وماذا من قتّال سترْ اللّه غطاه.
  • ماكليتى لوح يا براكة.
  • من كثرة الرّياس تغرق السفينة.
  • من فم البير ولا من قاعو.
  • من لحيتو فتلّو شكال.
  • من مال الوزير ولا عمره ما يصير. (الاتكال على مساعدة الدولة)
  • من القوت كسبوا الياقوت وعلى القوت باعو الياقوت ( معناه انالاقتصاد وحسن التصرف يكسبك الكنوز والمصاريف المبالغ فيها تفقد المرء ثروته).
  • مسو تسمع حسو.
  • مطر مارس ذهب خالص.
  • مطر أفريل اطلع السبولة من قاع البئر.
  • مطر الربيع لا يضيع .
  • مهبولة وزغرتولها في وذنها.
  • مرض القلق لاحمّى لا عرق.
  • مياة غربال ما يميْلوش العديلة.
  • ملي دفنوه مازاروه.
  • مبركك يا راجل امي لوّل.
  • من زبيبة يسكر ومن عنبة يدوخ.
  • من المرسى بدينا نقطفو/نمقدفو.
  • ميمونة تعرف ربي وربي يعرف ميمونة.
  • معيز ولو طارو ( تعبير عن العناد والتصلب في الرأي).
  • ما دواء الفم لبخر كان السواك الحار .
  • منين نبداك يا شحم لوراك (من أين نبدأ العمل).
  • ما يكبر رأس إلا ما يشيب رأس.
  • ما شتى كان ما وتى (استعد لاستقبال فصل الشتاء).
  • مات البحر وصلى عليه الحوت (ختام الأمر).
  • ماذا من فقر يشبه للغنى وماذا من غنى يشبه للفقر .
  • ما يحرق بالنار كان العزيز الجبار.
  • ما تدوم غمة على أمة.
  • ما يبقي في الواد كان حجرو.
  • ما را عيّشة في سوق الخميس.
  • ما خلطش للعنبة قال قارصة.
  • مالقاش خبزة يرمرمها، يلوج في عروسة يكلمها .
  • منقور سيدي دِمْدِم يعطي ويندم.
  • متهوم بالشبعة ميت بالشر.
  • منكوب وناقص ركوب.
  • مشيانك حافي ولا تكركيرك في الشلايك.
  • مبعد هكا على هكا ومبعد تونس على مكة.
  • ما يخرج الفلفل مالدار كان ما يتلم الجار عالجار.
  • ماصابني شباك في حانوتك، كي تعيط للصناع نسمع صوتك.
  • ما كحّلت العمشى كان المحفل وفا.
  • مولى التاج يحتاج.
  • ما تقول طق كان ما فيها شق.
  • ما طويل كان مارس.
  • من هو أكبر منك بليلة أزيد منك بحيلة.
  • ما يعرفو بقري كان بالكرشة.
  • ما تشكر إلا ما تعاشر وبعد العشرة تبان الناس الملاح.
  • مش كل مدور كعك.
  • مش كل أبيض شحمه ولا كلّ أسود فحمه.
  • ما يعجبك في الدهر كان طولو.
  • مصران الضيق آش يمليه.
  • ماجاء لعياط م السرس الا ما تاخذت لحماده.
  • ما تطلع في القايلة كان اليتيمة وإلا العديمة وإلا اللي لا عندها لا أخلاق ولا قيمة.
  • ملس من طينك، إذا ما جاء برمة يجي كسكاس.
  • ما يوكلك في العيش كان اصباعك وما يطلعك من الضيم كان ذراعك.
  • ما صاحب كان صاحب الشدة.
  • معرفتك في الرجال كنوز ومشيانك في البرور رياسهْ ومعرفتك ف المرا العزوز إيّاك لا تقرب النجاسهْ.
  • ماري وما تكون حسود.
  • موش كيف ولدها كيف ربيبها.
  • ما يجي لبوه كان الفكرون.
  • مهبول من شوى عظمة، ومهبول من طمع فيها.
  • من فمك ولا من فمي.
  • ما يجي حرث من غير رواء وما تجي ماخذة من خير رضاء. ( رواء كنية عن توفر الأمطار).
  • مايعرفوا ربي كان ليلة الرعد.
  • ما لقاوش باش يكفنوه، خلي باش يعصفرولو.
  • مقطوع من شجرة.
  • ميات خطوة و لا تنقيزة.
  • ما يمدش ايديه لراسو. (شديد الكسل)
  • ما يلزّك ع المر كان اللي أمرّ منه

ن[عدل]

نمشي

نهار على عمار كان اسم حملة للناشطين على الأنترنات في تونس ضد الرقابة في فترة حكم بن علي.
  • نحي من الجابية حط في الخابية .
  • نهَيّرْ من عندْ عمّك فُورَارْ ( فورار هو شهر فيفري/ فبراير في التقويم العجمي في تونس ويشتهر بتقلب الطقس فيه فالمثل يعني يوم متقلب وطقس سيئ ).
  • نهار على عمار.
  • نشرب كاسي ونموت حذا ناسي ولا يقولوا ساسية بنت الساسي.
  • نا نخاف مالأيام يا مضنوني تهز المليح وتخلفلنا الدوني.
  • كالمنشار طالع ياكل هابط ياكل.
  • ناس تلقاهم سلعة ذهب وناس ذوق حطب. ناس تتعاشر وتتحب وناس رد بالك تعطيها الجنب.
  • نهار الخميس من صباحه يبيّن، المرا في الحمام والراجل تزيّن.
  • نقطة دم خير من الف صاحب.
  • نواصي وعتب والبعض من الذرية.
  • ناس قبل خلاوها مغربلة.
  • ناس شايخة وناس دايخة وناس تحت الحيوط الخايخة.
  • ناري عالعياري مات وما خذاليشي ثاري.

هـ[عدل]

  • هوَ يْغَنّي وجْنَاحُو يْـرُدْ عَـلِيهْ ( تقال لمن لا يُسمع له كلام ).
  • هرب من قطرة جا تحت الميزاب ( أي هرب من مأزق صغير ليقع في مأزق كبير ).
  • هو إقول خالتي توة تغنيني وهي تقول أوليد أختي توة يسرحلي إبلاش.
  • هو يقولّو ثور والاخر يقولو نحلبوه.
  • هذا التقتاقو مازل الفلاقو.
  • هات عظمة اليوم، وخوذ دجاجة غدوة.
  • هذا يصيح وهذا يصيح، والله أعلم بالصحيح.
  • هاذي السواري (جمع سارية)، والسقف عليك يا باري.
  • هالسوق ما عندك فيه ما تذوق.
  • هان الحرير، حتى ربطوا بيه الحمير.
  • هانت الزلابية، حتى عباوا بيها الخابية.
  • هجالة في القبيل، عملوها للسبيل.
  • هرب من عزرائيل، جا لقباض الأرواح.
  • هرب مالغول، عرضو سلاب العقول.
  • هربة ولا غلبة.
  • هروب في تل ولا تخرميد في غابة.
  • هز ايدك مالطبق لا تتحرق.
  • هكا الزمان عكس، الورد تقلع والبصل تغرس.
  • هم بهم، هم دار بابا أولى.
  • هم الدّين وهم العين وهم الضرس فوقهم الاثنين.
  • هو المدوّر كلّو كعك والمنقب كلو زلابية؟
  • همّك أعملو عساس واتلهى بهم الناس.

و[عدل]

الصيد بكلب السلوقي في شمال أفريقيا.

.

  • وكان جاء عندها الزيت في عُكزتها رتهو باين على قصتها
  • واحد يشتهيه ولاخر يلعب بيه .
  • واحد يحلب وواحد يشد المحلب .
  • واحد في الصر َّة، خير من عشرة لبر َّا.
  • واحد وحده وكس، اثنين ونس، وثلاثة يكثر الحس.
  • واحد للعشقة، وواحد للنفقة، وواحد للكف والبزقة ( للكف : للصفع ).
  • واحد ياخذ للته، وواحد ياخذ علته، وواحد ياخذ سبع دقات على كلوته ( ياخذ:يتزوج/ للا: سيدة ).
  • واحد يذوق المرق، والآخر يتحرق.
  • واحد يزيد الماء، والآخر يزيد الدقيق .
  • ولد البط عوام ( الطفل يتعلم هوايات ابيه ).
  • ولد الفار يطلع حفار.
  • وقت الدبارة تكثر النّاس ووقت الحاجة ماتلقى حد.
  • وقت الصيادة مشى السلوقي يخرى.
  • وكرك وكرك ولو على عود يابس.
  • وين دمك وين همك (أي أن أقاربك هم من يحسدونك).
  • وقفت الزنقة بالهارب.
  • واش تحبلك زيت يا فريت واش يحبلك لوح يا براكة.
  • وعد الله والزمان معكوس، تخرج البومة ويتخبى الطاووس.
  • ولدك على ما تربيه وراجلك على ما تسنسو.
  • ولدها فوق ظهرها وهي تلوج عليه.
  • ولاد الشيب يربيهم اليتم.
  • وحدة تاخذ سيدها ووحدة تاخذ ضربة على ايدها.

ي[عدل]

أستعمل مثل ­« يحبوها سباقة وجراية وماتاكلش الشعير » في إشهار لنوع من الدراجات النارية لتبين فاعليتها. لكن الأصل جاء على شخص أراد أن يشتري بغلة فقال للمنادي في السوق أن ينادي" فلان يريد بغلة شديدة السرعة قليلة الأكل وثمنها بخس "
  • يموت الفكرون وما يحكش ظهره
  • يبيع القرد ويضحك على شاريه.
  • يتيم البو يتوسد الركبة ويتيم الأم يتوسد العتبة .
  • يطوال ليلها وتعلف
  • ياكل في الغلة ويسب في الملة.
  • ياصايم عالكلام جنتك تنهيدة .
  • يا مزيّن من برة اش حالك من داخل.
  • يا مكثّر الأصحاب يا متلّف خيارهم.
  • يا حافر حفرة السوء تحفر لقياسك (بمعنى : من حفر جبا لأخيه وقع فيه).
  • يا داخل بين الظفر واللحمة ياخارج بالنتونة.
  • يلى لاهي بهم الناس همك يمشوم أكداس قالو نتلها بهم الناس وهمي نكريلو تراس.
  • يلعب في السكة ويقول اشبيه التران يزمر.
  • يجيك البلا يا غافل.
  • يحبوها سباقة وجراية وماتاكلش الشعير.
  • يحكي في همُّو لراجل أمّو
  • يحبلو راس من نحاس
  • يخطبوها ألف وتبات عند واحد (أي أن العديد يتقدمون لخطبة الفتاة لكنها في الأخير تتزوج واحدا فقط) .
  • يد وحدة ما تصفقش (اي أن يد واحدة لا تقدر أن تصفق, يلزمها يد ثانية حتى تتكامل معها, أي ما معناه في الاتحاد قوة).
  • يشعل النار ويقول الدخان منين.
  • يعطي الفول للي ما عندوش ضروس.
قاروص (أو قاروس) يباع في سوق بمدينة المنستير التونسية
  • يعمل من الحبة قبة (أي يقوم بتهويل أمر بسيط ).
  • يمين البكوش في صدره.
  • يمشي المليح في جرِت الدوني. (يأخذ الطيب بجرم الشرير)
  • يا نهارة الموت يا نهارة الكشفة.
  • يعطيني شرقه بريقي نعرف من حبيبي من صديقي.
  • يرحم من قرا وورى.
  • يتعلم في الزلق في دار الصابون.
  • يا وعد الله والزمان عكِس الورد تقلع والبصل تغرس.
  • يكب سعد المتعوس، الأم شلبة والبو قاروس.
  • يا سعد من عنده أميمه حية (أمه على قيد الحياة)، مرتاح ديمة وحاجته مقضية .
  • يا مريضة أعطيني قريضة.
  • يا طالع لفوق الجو...ابني على الصح ساسك ويا زارع الشوك من تو ...تشوف العجب في حصادك وياحافر حفرة السو...ماتحفر الاقياسك.
  • يا مبدل لحية بلحية يجيك نهار وتشتاقهم لاثنين.
  • يا حافر حفرة السوّ يا طايح فيها.
  • يا باني في بلاد غير بلادك لا ليك لا لاولادك.
  • يا قاتل الروح وين تروح.
  • يجيبوهم بهايم ويقولوا خليقة ربي (أو يجيبوهم بهايم ويقولوا معطيت ربي).
  • يخطف سنين الكلب وهو ينبح.
  • يوفى مال الجدود ويبقى كد اليدين.
  • يوفى مال الجدين وتقعد صنعة اليدين.
  • "يا نحرثو قفيز والا كا نشتركوش"
  • يدعي بالطب ويموت بالعلة.
  • يقتل الميت ويمشي في جنازتو.
  • يلى ما يحسبش وجودك ربح ما تحسبش غيابو خسارة.
  • يجعلك في كل ثنِيَّة (طريق) وليَّة وفي كل قوْم فارس.
  • يشطح على طار بو فلس.
  • يعرض على الكلب يقلو مزروب .
  • يعيا الهم ويمشي بمعنى "دوام الحال من المحال ".
  • يا زمان معوج الرجال هاربة والنساء تلوج.
  • يا فرحة ما تمت.
  • يجرح و يداوي.
  • يسئل عل العلة و بنت العلة والطبيب باش مات.
  • يحكي في حكاية الريح للبرّيمة.
  • يبيع في الريح للمراكب.
  • يرحمك الرحمان.
  • يرحم اللّي خلّى.
  • يعمل ستة و ستين كيف.
  • يحرزلك محرز ياتونس ولا راك مشيت في البحر
  • يعطيك داء بلا دواء، يعطيك الساحق والماحق والرصاص المتلاحق

مراجع[عدل]

  • Hédi Balegh, Proverbes https, tomes I et II, éd. La Presse de Tunisie, Tunis, 1994 (ردمك 9973-752-02-3 ) (ردمك 9973-752-02 )
  • Pierrette Jomni-Amiel, Proverbes tunisiens, éd. L'Harmattan, Paris, 1992 (ردمك 2738415881 )
  • Tahar Fazaa, Proverbes de Tunisie, tome 1, éd. Apollonia, Tunis, 2008 (ردمك 9973827406 ) (ردمك 9789973827401 )
  • الأمثال الشعبية التونسية، محي الدين خريف، دار المعارف للطباعة والنشر (ردمك 9973-16-814-3 )
  • الامثال العامية التونسية، الدكتور الطاهر الخميري، الدار التونسية للنشر

أنظر أيضاً[عدل]

وصلات خارجية[عدل]