أمثال جزائرية

من ويكي الاقتباس
اذهب إلى التنقل اذهب إلى البحث

العلاقات الإنسانية[عدل]

  • قلل ناسك يرتاح راسك
  • اللي يحبني ما بنا لي قصر واللي يكرهني ما بنا لي قبر
  • اللي يحبني نديرو فوق راسي تاج واللي يكرهني لسباطي نديرو سيراج
  • يدور عليك الزمان يا ناكر خيري وتعرف قدري كي تعاشر غيري
  • البصلة عمرها ما تولي تفاحة والرخيص لا تبان فيه ملاحة وناس هذا الزمان ما تفيد معاهم غير القباحة
  • آتاي العشية خير من بقرة مشوية
  • ما نقطع واد حتى تبان حجاره وما نمشي في الليل حتى يطلع نهاره وما نصاحب الصديق حتى نسمع خباره
  • ناكل الخبز البايت والا اسفنج الشمايت
  • ما نبيعوش اللي يشرينا وما نكرهوش اللي يبغينا وما نغدروش اللي يثيق فينا الحمد لله هكا تربينا
  • حاجة ما تدوم كي مشات الضحكة تمشي الهموم
  • اللي فاتك بالزين فوتو بالنظافة واللي فاتك بالفهامة فوتو بالظرافة
  • الي يلعب مع والديه بكى
  • ما يتعمروا الأبراق إلا من فم القلل
  • اقصد البيت الكبيرة إذا ماتعشيت تبات للدفا
  • الرجال تعرف الرجال والخيل تعرف فرسانها
  • الحرمة سيف كلخ، تضرب بيه يتكسر
  • من هاب الرجال هابوه
  • اللي باعك بالفول بيعه بالقشور
  • لا ترفع شأن من لا شأن له، ولا تعطي حرمة للرعيان
  • اللي يشكروه مية ما يذموه اثنين
  • الله يجعل خويا سبع (أسد) وأنا كعالته(الكعالة: الذيل)
  • خوك خوك لا يغرك صاحبك
  • اللي حب يروح بابنا مفتوح ماراح نموتوا على جالو ماتطلع الروح
  • شكون اللي سامع بيك يا حريرة نهار العيد
  • ترخصي يا الزرقاء (في إشارة للفرس) ويركبوك بني عداس

عن الزواج[عدل]

  • زواج ليلة تدبيره عام
  • في الصيف قاطو والمشتة بوقاطو
  • الزواج بحرو أزرق الي يدخلو يغرق والي ما وصلو يحمق
  • طول العشرة تعرف الذهب من القشرة
  • اذا تفاهمت لعجوز والكنة يدخل بليس للجنة.
  • قلب البرمة على فمها تخرج الطفلة لأمها.
  • غلبو وقتو دار على مرتو. * لعشرى لي هانت يا ليتها ما كانت. * قول الحقيقة يتركني بلا صديق.
  • الي مابقا ليه لحباب يزوروه ( يضرب المثل على الانسان الي خسر احبابه راح يبقى وحيد وحد مايسول عليه )
  • الخلطة تجيب لهوال تخليك ماتفرق بين الحرام والحلال

( يضرب المثل على كثرة المصاحبة ممكن تفسد النية و الطبايع )

الوقت[عدل]

  • لما كان عايش شوقوه في تمرة، ولما مات علقوا له عرجون.
  • صام صام وافطر على بصلة.
  • كل تأخيرة فيها خيرة.
  • كي شاب علقو له الحجاب.
  • حتى يزيد وانسموه سعيد ويقال بو زيد.
  • الهدرة والمغزل. (أي تكلم ولا تتوقف عن العمل)
  • حتى ينور الملح
  • دوام الحال من المحال
  • ليت الشباب يعود يوما لاخبره ماذا فعل بي المشيب

الوقاية وحسن التصرف[عدل]

  • سبق الميم تنجى
  • المكسي برزق الناس عريان.
  • البلاء اذ جاك من جناحك قصو
  • لسانك إذا صنته صانك واذا خنته خانك
  • الماكلة بلا ما(ماء) من قلة الفهامة.
  • انا نحفرلو في قبر امه وهو هاربلي بالفاس............
  • قلبي على ابني وقلب ابني على حجرة.
  • العود الي تحقره يعميك. ( لا تسحقر أي شيء ، فقد يكون هو سبب دمارك )
  • الفم المغلوق ما تدخله ذبانة ( عندما تصمت فأنت تتنجب بذلك الكثير من المشاكل )

حيوانات[عدل]

  • أولاد الكلبة كلهم كلاب.
  • القط يعلم ابوه النط. (انقلاب الحال)
  • بات مع الدجاج، أصبح ايقاقي
  • الجمل يضحك من حدبة خوه ونسى حدبته.
  • الخنفوس في عين أمه غزال
  • المندبة كبيرة والميت فار.
  • ولد الفار حفار
  • ما خص الذيب غير النديب وما خص الاعمى غير الكحل.
  • كالديك، يعرف كل الأوقات وما يصليش.
  • الذيب كي شاف العنقود بعيد قال حامض.
  • القط كي ما تطيرلوش الشحمة يقول مخنزة
  • راح البعير وما ترك غير بعره
  • حتى يشيب الغراب
  • عين تعس على القط والأخرى تقلي في السردين
  • الي قراه الديب حافظوا السلوقي.
  • الي قرساتو اللفعى من الحبل يخاف .

متفرقات[عدل]

  • لا يعجبك نوار الدفلة في الواد داير ضلاليل ولا يعجبك زين الطفلة حتى تشوف الفعايل.
  • الخدمة مع النصارى ولا القعاد خسارة / المعاونة ولو مع النصارى ولا القعاد خسارة. (أن تعمل ولو مع النصارى خير من البطالة )
  • جاء يسعى، ضيع تسعة.
  • هرب من قاطعي اليدين، طاح في قاطعي الريسان.
  • جاء يكحلها اعماها. (بمعنى أراد أن يضع لها الكحل في عينيها حتى افقدها البصر)
  • من لحيته وبخر له.
  • دعوة بلا ذنوب في رأس مولاها تذوب.
  • شوي من الحنة وشوي من رطابة اليدين.
  • يد وحدة ما تصفق. ( عندما نساند بعضنا سنفعل المستحيل )
  • تخطي راسي وتفوت.
  • غطى الشمس بالغربال.
  • دار النساء والقصعة يابسة.
  • ما يبقى في الواد غير حجاره. ( الدنيا فانية لا يبقى منها الا الافعال تكون كالحجارة تلازمك مثلما تلازم الواد حتى لو فرغ )
  • يا مسك أنا ما نحبك بصح (ولكن) ميت من همك.
  • ما يحس بالجمرة غير الي عافس عليها.
  • يدير من الحبة قبة (المبالغة).
  • ياكل الغلة ويسب الملة.
  • اللي يديه في الماء مشي كيما اللي يديه في النار.
  • يستاهل زوار مرته.
  • اللي ذاق البنة ما يتنهنى.
  • الضيق في القلوب.
  • الضيف ضيف ولو يقعد الشتاء والصيف.
  • خفيف الاقدام يتعاف ولو كان وجهه مرايا.
  • أخدم باطل ولا تقعد عاطل.
  • شحال من قبة تنزار ومولاها في النار.
  • الي ماهو ليك غير يعييك.
  • حماري ولا عود الناس.
  • حج وشرب من زمزم وجاء للبلاء متحزم.
  • ازرع ينبت.
  • يفنى مال الجدين وتبقى حرفة اليدين.
  • فوت على الواد الهايج وما تفوتش على الواد الساكت.
  • دير كي جارك ولا بدل باب دارك.
  • العبد في التفكير والرب في التدبير
  • الي يحب أشباح ما يقول آح
  • دير الخير وانساه ودير الشر واتفكره
  • مول التاج ويحتاج
  • يا قاتل الروح وين تروح
  • كول ألي يعجبك والبس ألي يعجب الناس
  • مول الفول يقول طياب
  • الي فات زمانه ما يطمع في زمان الناس
  • وين يبان خيطك في البردعة
  • من عندي ومن عندك تنطبع وإلا غير من عندي تنقطع
  • واش يدير الميت في يد غسالو
  • زواج ليلة تدبيرتو عام
  • الي في كرشه التبن يخاف من النار
  • كي تتعمر الكرش تقول للراس غني ( كناية عن النفس الطماعة )
  • الي فايتك بليلة فايتك بحيلة
  • كثير لصحاب يقعد بلا صاحب
  • الي عنده غول شا يقول
  • مازال مادخلناش قبرك يا عزرائيل
  • شوية من الحنة وشوية من رطوبة اليدين
  • الي ربطها بيديه يفكها بسنيه ( درتها بيديك فكها بسنيك - يقصد بها ان المقصود هو المسؤول عن ما فعل و عليه حل مشكلته بنفسه )
  • كل خنفوس في عين يماه غزال
  • راح لبلاد النساء جاب عجوز (تقال لقليل الحظ )
  • البعرة تبع ختها لو كان في البحر
  • قول لي أشكون صاحبك نقولك أشكون انت ( بالعربية : أخبرني من صديقك أخبرك من انت و يقصد بها ان الصديق مرآة صديقه )
  • كل جنس يهوى جنسه
  • تحسب الجنة فندق
  • تحسب الجزائر قربي (كوخ)
  • الإحتياج يعلم السرقة
  • مول التاج ويحتاج
  • البرد يعلم سرقة الفحم
  • شاقي ولا محتاج
  • احييني اليوم واقتلني غدوة
  • إذا قتلت اللفعة (الأفعى) أقطع لها رأسها
  • الاحسان يقطع اللسان
  • الي ما يحسن لنفسه ما يحسن لغيره
  • أحسن بامرأتك تأخذ مراة جارك
  • جريدة تقليه
  • جواب الأحمق السكوت
  • ما يصعب الحق إلا على الأحمق
  • خياط وحوايجو مقطعين.
  • المكسي بحوايج الناس عريان.
  • احفظ الميم تحفظك.
  • دير الخير وانساه وديرالشروتفكرو
  • مول الخير، الخير دواه.
  • الي يزرع الريح يحصد غبارو وما يبقى فالواد غير حجارو.
  • ما يحس بالجمرة غير اللي عافس عليها. ( و تقال
  • كي رقد وفاق لقى روحو في الزقاق.
  • الحجرة من عند الحبيب تفاحة .
  • خلطا بلطا والجرب يعدي.
  • ونطقت القرنينة(نبات يؤكل)وقالت ماكاين في الدنيا غير انا بنينة.
  • في أخر سنبلة قطع صبعو.
  • عجوزة وحكمت سراق
  • الحمار حماري و راكب من لور ( وتقال ايضا العود عودي و راكب من لور ، يقولها الناس عندما يستخدم الأشخاص الآخرين أملاك هم بكثرة )
  • في عشنا و ينشنا.
  • الهدرة الخاوية ترجع الجبال سهول ولا الصحرا حقول ( يضرب بها المثل على الشخص الحالم الذي يقول فقط و لا يفعل ..)
  • فلان كلا خبزته عجين ( عدم التسرع كي لا تفسد الامور )
  • كلمة الصباح الا تبدلت لعشية ، ترد المسلمة يهودية ( يجب الوفاء بالعهود )
  • يسول على الفولة ومن غرسها ( الشخص الفضولي الذي يسأل عن كل شيء و يزعج الناس بذلك..)
  • لبنادم عمره مايتهنى والزمان دايم يمشي مايستنى (المثل يضرب على الناس الي تبقى مهمومة وتستنى الفرج بلا ماتعمل شي او حتى عايشة في همها وماش باغية تخرج من قوقعتها وراح عليها وقتها وماعاشت حياتها ماللخر غبنت روحها وعمرها والدنيا ماتستاهل )
  • شحال من عمايم فوق رووس البهايم ( (يجب عدم الانخداع بالمظاهر)
  • فيق يابريق النار راه لحقاتك
  • فارح وحزين الى يوم الدين ( يرم لك و يوم عليك )