أمثال جزائرية

الوقت

كي كان عايش شاتي تمرة، وكي مات علقولو عرجون
صام صام وافطر على بصلة.
كل تأخيرة فيها خيرة.
كي شاب علقو له الحجاب.
الي عشاه قلية يبداء بالغز
حتى يزيد وانسموه سعيد ويقال بو زيد.
الحديث والمغزل. (أي تكلم ولا تتوقف عن العمل)
حتى ينور الملح
دوام الحال من المحال
ليت الشباب يعود يوما لاخبره ماذا فعل بي المشيب
الوقتك
الوقت سيف إلى ما قطعتوش قطعك.
حماري ولا عود الناس

الوقاية وحسن التصرف

سبق الميم تنجى
الباب الي يجيك منو الريح سدو و استريح
أهل العقول في راحة
ما يغلبك الا لي يقلك مدلي متاعي
المكسي برزق الناس عريان.
البلاء إذ جاك من جناحك قصو
لسانك إذا صنته صانك واذا خنته خانك
الماكلة بلا ما(ماء) من قلة الفهامة.
انا نحفرلو في قبر امو وهو هاربلي بالفاس
قلبي على ابني وقلب ابني على حجرة.
العود الي تحقرو يعميك. ( لا تسحقر أي شيء ، فقد يكون هو سبب دمارك )
الفم المغلوق ما تدخلو ذبانة ( عندما تصمت فأنت تتجنب بذلك الكثير من المشاكل )

الي ماجا مع العروس؛ ما يجي مع أمها الي رايح ليه علاه تسال عليه. لي معندو كبير؛ يشري كبير يدير عليه

لي شافوها قالوا تاعنا ولي سمعوا بها قالك نسالوا فيها النص (د. مصعب بلفار)

حيوانات

أولاد الكلبة كلهم كلاب.
جا القط يعلم ابوه النط. (انقلاب الحال)
بات مع الدجاج، أصبح ايقاقي
الجمل يضحك من حدبة خوه ونسى حدبتو.
الخنفوس في عين أمو غزال
المندبة كبيرة والميت فار.
ولد الفار حفار
شحال من عمامي فوق روس لبهايم
ما خص الذيب غير النديب وما خص الاعمى غير الكحل.
كي الفروج (الديك)، يعرف كل الأوقات وما يصليش.
الذيب كي شاف العنقود بعيد قال حامض.
القط كي ما تطيرلوش الشحمة يقول منتنة
راح البعير وما ترك غير بعرو
حتى يشيب الغراب
عين تعس على القط والأخرى تقلي في السردين
الي قاريه الديب حافظوا السلوقي.
الي قرساتو اللفعى يخاف من لحبل .
الناس لاتية بالناس والقط لاتي بالراس.

متفرقات

الطلاب يطلب و مرتو تصدق
لا يعجبك نوار الدفلة في الواد داير ضلاليل ولا يعجبك زين الطفلة حتى تشوف الفعايل.
الخدمة مع النصارى ولا القعاد في الخسارة / المعاونة ولو مع النصارى ولا القعاد خسارة. (أن تعمل ولو مع النصارى خير من البطالة )
جاء يسعى، ضيع تسعة.
هرب من قاطعي اليدين، طاح في قاطعي الريسان.
جاء يكحلها اعماها. (بمعنى أراد أن يضع لها الكحل في عينيها حتى افقدها البصر)
من لحيته وبخر له.
دعوة بلا ذنوب في رأس مولاها تذوب.
شوي من الحنة وشوي من رطابة اليدين.
يد وحدة ما تصفق. ( عندما نساند بعضنا سنفعل المستحيل )
تخطي راسي وتفوت.
غطى الشمس بالغربال.
دار النساء والقصعة يابسة.
ما يبقى في الواد غير حجاره. ( الدنيا فانية لا يبقى منها الا الافعال تكون كالحجارة تلازمك مثلما تلازم الواد حتى لو فرغ )
يا مسك أنا ما نحبك بصح (ولكن) ميت من همك.
ما يحس بالجمرة غير الي كواتو.
يدير من الحبة قبة (المبالغة).
ياكل الغلة ويسب الملة.
اللي يديه في الماء مشي كيما اللي يديه في النار.
يستاهل زوار مرته.
اللي ذاق البنة ما يتنهنى.
الضيق في القلوب.
الضيف ضيف ولو يقعد الشتاء والصيف.
خفيف الاقدام يتعاف ولو كان وجهه مرايا.
أخدم باطل ولا تقعد عاطل.
شحال من قبة تنزار ومولاها في النار.
الي ماهو ليك غير يعييك.
حماري ولا عود الناس.
حج وشرب من زمزم وجاء للبلاء متحزم.
ازرع ينبت.
يفنى مال الجدين وتبقى حرفة اليدين.
فوت على الواد الهايج وما تفوتش على الواد الساكت.
دير كي جارك ولا بدل باب دارك.
العبد في التفكير والرب في التدبير
الي يحب الشبح (القسوة) ما يقول آح
دير الخير وانساه ودير الشر واتفكره
مول التاج ويحتاج
يا قاتل الروح وين تروح
كول ألي يعجبك والبس ألي يعجب الناس
مول الفول يقول طياب
الي فات زمانه ما يطمع في زمان الناس
وين يبان خيطك في البردعة
من عندي ومن عندك تنطبع وإلا غير من عندي تنقطع
واش يدير الميت في يد غسالو
الي في كرشه التبن يخاف من النار
كي تتعمر الكرش تقول للراس غني ( كناية عن النفس الطماعة )ين
الي فايتك بليلة فايتك بحيلة
كثير لصحاب يقعد بلا صاحب
لي عنده غول شا يقول
الي ربطها بيديه يفكها بسنيه ( درتها بيديك فكها بسنيك - يقصد بها ان المسؤول عن ما فعل عليه حل مشكلته بنفسه )
كل خنفوس في عين يماه غزال
راح لبلاد النساء جاب عجوزة مهرسة (تقال لقليل الحظ )
البعرة تبع ختها لو كان في البحر
قول لي أشكون صاحبك نقولك أشكون انت ( بالعربية : أخبرني من صديقك أخبرك من انت و يقصد بها ان الصديق مرآة صديقه )
كل جنس يهوى جنسه
الفقر يعلم السرقة
مول التاج ويحتاج
البرد يعلم سرقة الفحم
شاقي ولا محتاج
احييني اليوم واقتلني غدوة
إذا قتلت اللفعة (الأفعى) أقطع لها رأسها
الاحسان يقطع اللسان
الي ما يحسن لنفسه ما يحسن لغيره
أحسن بامرأتك تأخذ مراة جارك
جريدة تقليه
جواب الأحمق السكوت
ما يصعب الحق إلا على الأحمق
خياط وحوايجو مقطعين.
مول الخير، الخير دواه.
الي يزرع الريح يحصد غبارو وما يبقى فالواد غير حجارو.
كي رقد وفاق لقى روحو في الزقاق.
الحجرة من عند الحبيب تفاحة .
خلطا بلطا والجرب يعدي.
ونطقت القرنينة(نبات يؤكل)وقالت ماكاين في الدنيا غير انا بنينة.
في آخر سنبلة قطع صبعو.
عجوزة وحكمت سراق
الحمار حماري و راكب من لور ( وتقال أيضا العود عودي و راكب من لور ، يقولها الناس عندما يستخدم الأشخاص الآخرين أملاك هم بكثرة )
في عشنا و ينشنا.
الهدرة الخاوية لا ترجع الجبال سهول ولا الصحرا حقول ( يضرب بها المثل على الشخص الحالم الذي يقول فقط و لا يفعل ..)
فلان كلا خبزته عجين ( عدم التسرع )
كلمة الصباح الا تبدلت لعشية ، ترد المسلمة يهودية ( يجب الوفاء بالعهود )
يسول على الفولة ومن غرسها ( الشخص الفضولي الذي يسأل عن كل شيء و يزعج الناس بذلك..)
لبنادم عمره مايتهنى والزمان دايم يمشي ما يستنى (المثل يضرب على الناس التي تبقى مهمومة وتستنى الفرج بلا ماتعمل شي أو حتى عايشة في همها وماش باغية تخرج من قوقعتها وراح عليها وقتها وماعاشت حياتها ماللخر غبنت روحها وعمرها والدنيا ماتستاهل )
شحال من عمايم فوق رووس البهايم (يجب عدم الانخداع بالمظاهر)
فيق يابريق النار راه لحقاتك
فارح وحزين إلى يوم الدين ( بالعربية: يوم لك ويوم عليك )
كل صبع بصنعة
كل واحد ديرلو خاتم قد صباعو
البحر مالح والناس مصالح

أنظر أيضاً

المراجع