شالح بن هذلان
|
شالح بن هذلان |
|---|
طالع أيضاً...
|
|
|
هو شالح بن هدلان فارس مشهور من قبيلة الخنافر من قحطان عرف عنه الشجاعه والكرم وكان فارس قبيلته توفي سنة سنة 1340 هجرية.
اقتباسات من أقواله[عدل]
- قصيدته في رثاء ابنه ذيب
ياربعنا ياللي على الفطر الشيب **** عز الله أنه ضاع منكم وداعه
رحتوا على الطوعات مثل العياسيب **** وجيتوا وخليتوا لقلبي بضاعة
خليتوا النادر بدار الاجانيب **** وضاقت بي الآفاق عقب أتساعه
تـكـدرن لي صافيات المشاريب **** وبالعون شفت الذل عقب الشجاعة
يا ذيب انا بوصيك لاتاكل الذيب **** كم ليلة عشاك عقب المجاعة
كم ليلة عشاك حرش العراقيب **** وكم شيخ قوم كزته لك ذراعه
كفه بعدوانه شنيـع المضاريب **** ويسقي عدوه بالوغى سم ساعه
ويضحك ليا صكت عليه المغاليب **** ويلكد على جمع العدو باندفاعه
وبيته لجيرانه يشيد على الطيب **** وللضيف يبنى في طويل الرفاعه
جرحي عطيب ولا بقى لي مقاضيب **** وافختّ حبل الوصل عقب انقطاعه
كني بعد فقده بحامي اللواهيب **** وكني غريب الدار ما له جماعه
من عقب ذيب الخيل عرج مهاليب **** يا هل الرمك ماعاد فيهن طماعه
قالوا تطيب قلت وش لون اباطيب **** وطلبت من عند الكريم الشفاعة
- قصيدته في رثاء اخيه الفديع
أمس الضحى عديت روس الطويلات *** وهيضت في رأس الحَجَا ما طرا لِي
وتسابقت دمــوع عيني غزيرات *** وصفقت بالكف اليمين الشمالي
وجريت من خافي المعاليق ونات *** والقلب من بين الصناديق جَالي
واخوي يااللي يم قارة خفا فات *** من عاد من عقبة بيستر خمالي
ليته كفاني سو بقعا ولاَ مات *** وانا كفيته سو قبر هيالي
وليته مع الحيين راعي الجمالات *** وانا فداً له من غبون الليالي
واخوي يا للي يوم الاخوان فلات *** من خلقته ما قال ذالكك وذا لي
تبكيه هجن تالي الليل عجلات *** ترقب وعدها يوم غاب الهلالي
وتبكي على شوفه بِني عفيفات *** من عقب فقده حر من الدلالي
عوق العديم إن جاء نهار المسارات *** والخيل من حسه يجيهن جفالي