بيرم التونسي

من ويكي الاقتباس
اذهب إلى التنقل اذهب إلى البحث


بيرم التونسي
(1893 - 1961)

بيرم التونسي
طالع أيضاً...

Wikipedia-logo.png السيرة في ويكيبيديا

Commons-logo.svg وسائط متعددة في كومنز

Wikisource-logo.png أعماله في ويكي مصدر


محمود بيرم التونسي هو شاعر تونسي حاصل على الجنسية المصرية ولد في الإسكندرية في 3 مارس 1893، ويعدّ من أشهر شعراء العامية المصرية.

حتى أن أحمد شوقي قال أخشى على الفصحى من بيرم "أى من حلاوة شعره بالعاميه سينصرف الناس عن الفصحى"

Wikipedia logo اقرأ عن بيرم التونسي. في ويكيبيديا، الموسوعة الحرة

أنا المصري[عدل]

أنا المصري كريم العنصرين

بنيت المجد بين الإهرمين

جدودي أنشأوا العلم العجيب

ومجرى النيل في الوادي الخصيب

لهم في الدنيا آلاف السنين

ويفنى الكون وهما موجودين

ابن آدم[عدل]

قال: إيه مراد ابن آدم؟

قلت له: طقه

قال: إيه يكفي منامه؟

قلت له: شقّه

قال: إيه يعجّل بموته؟

قلت له: زقه

قال: حـد فيها مخلّد؟

قلت له: لأه

قال لي: ما دام ابن آدم بالصفات دي

نويت أحفظ صفات ابن آدم كل ما اترقى.

الجماهير[عدل]

م المستحيل إنت تخدع أي طفل صغير

و تلف عقله وتعطيه القليل بكتير

لكن بأهون طريقه تخدع الجماهير

لو كنت أغبى غبي تجري وراك وتسير

خطاب إلى الموميه[عدل]

في مصر كنت الملك لك جيش ولك حاميه

ودوله غير دولتك ما تعمل الموميه

و امه غير امتك ما تزرع الباميه

ولما خشوا عليك المقبره يلاقوك

نايم مفتح .. ولكن في بلد عـميه

عتاب[عدل]

ليه امشى حافى ،وانا منبت مراكيبكم

ليه فرشى عريان،وانا منجّد مراتبكم

ليه بيتى خربان ،وانا نجّار دواليبكم

هى كده قسمتى؟

الله يحاسبكم!

يا ريس تقول قصّروا الفساتين[عدل]

يا ريس تقول قصّروا الفساتين..نقصرها

ترجع تقول طّولوا .. حالاً نجرجرها

و في الشتا - قوّروا القمصان.. نقورها

و في الصيف زرّروا الأرّواب.. نزررها

( من كلمـــة هايفـــه .. )[عدل]

مــن هفــوه أو كلمــه هايفــــه نتحمــق ونقــــوم

نســب ونــدب ، ويـــــدور العــــــراك بالشــــــــوم

وكل محمـــوق ولــه فرقـــــــه تقــوم بهجــــــــــوم

مــن قبـــل ماتعـــرف الظالـــم مــن المظلــــــــــوم

تبقــى الشـــراره حريقــــه والسحابـــه حســــوم

لا شركـــه تنجــح ، ولا عيـــله صفاهـــا يـــــــدوم

ومنــين نشـــوف العـــدل ولا السفينــــــه تعــــوم

مادمنـــا فــوق قلبــــها قاعديــن لبعض خصـــــوم

تضحــــك عليـــنا الحــدادى في السمــا بتحــــوم

الشـــــــــــــــرق[عدل]

من قبل مااكتب أنا عارف القــــــول ضايــــع

والأجــر بالتأكيد ذاهــب حسب الشـايـــــع

والشتــم حايجينى مسوجر من واد صـــايــع

مهما انكويت بالنار والزيـت برضــك فنــــــــان.