بيرم التونسي

محمود بيرم التونسي هو شاعر تونسي حاصل على الجنسية المصرية ولد في الإسكندرية في 3 مارس 1893، ويعدّ من أشهر شعراء العامية المصرية.

حتى أن أحمد شوقي قال أخشى على الفصحى من بيرم "أى من حلاوة شعره بالعاميه سينصرف الناس عن الفصحى"

أنا المصري

أنا المصري كريم العنصرين

بنيت المجد بين الإهرمين

جدودي أنشأوا العلم العجيب

ومجرى النيل في الوادي الخصيب

لهم في الدنيا آلاف السنين

ويفنى الكون وهما موجودين

ابن آدم

قال: إيه مراد ابن آدم؟

قلت له: طقه

قال: إيه يكفي منامه؟

قلت له: شقّه

قال: إيه يعجّل بموته؟

قلت له: زقه

قال: حـد فيها مخلّد؟

قلت له: لأه

قال لي: ما دام ابن آدم بالصفات دي

نويت أحفظ صفات ابن آدم كل ما اترقى.

الجماهير

م المستحيل إنت تخدع أي طفل صغير

و تلف عقله وتعطيه القليل بكتير

لكن بأهون طريقه تخدع الجماهير

لو كنت أغبى غبي تجري وراك وتسير

خطاب إلى الموميه

في مصر كنت الملك لك جيش ولك حاميه

ودوله غير دولتك ما تعمل الموميه

و امه غير امتك ما تزرع الباميه

ولما خشوا عليك المقبره يلاقوك

نايم مفتح .. ولكن في بلد عـميه

عتاب

ليه امشى حافى ،وانا منبت مراكيبكم

ليه فرشى عريان،وانا منجّد مراتبكم

ليه بيتى خربان ،وانا نجّار دواليبكم

هي كده قسمتى؟

الله يحاسبكم!

يا ريس تقول قصّروا الفساتين

يا ريس تقول قصّروا الفساتين..نقصرها

ترجع تقول طّولوا .. حالاً نجرجرها

و في الشتا - قوّروا القمصان.. نقورها

و في الصيف زرّروا الأرّواب.. نزررها

( من كلمـــة هايفـــه .. )

مــن هفــوه أو كلمــه هايفــــه نتحمــق ونقــــوم

نســب ونــدب ، ويـــــدور العــــــراك بالشــــــــوم

وكل محمـــوق ولــه فرقـــــــه تقــوم بهجــــــــــوم

مــن قبـــل ماتعـــرف الظالـــم مــن المظلــــــــــوم

تبقــى الشـــراره حريقــــه والسحابـــه حســــوم

لا شركـــه تنجــح ، ولا عيـــله صفاهـــا يـــــــدوم

ومنــين نشـــوف العـــدل ولا السفينــــــه تعــــوم

مادمنـــا فــوق قلبــــها قاعديــن لبعض خصـــــوم

تضحــــك عليـــنا الحــدادى في السمــا بتحــــوم

الشـــــــــــــــرق

من قبل مااكتب أنا عارف القــــــول ضايــــع

والأجــر بالتأكيد ذاهــب حسب الشـايـــــع

والشتــم حايجينى مسوجر من واد صـــايــع

مهما انكويت بالنار والزيـت برضــك فنــــــــان.