محمود الكمشوشى

من ويكي الاقتباس
اذهب إلى التنقل اذهب إلى البحث

محمود الكمشوشى
(1915 - 1971)

محمود الكمشوشى
طالع أيضاً...

Wikipedia-logo.png السيرة في ويكيبيديا

Commons-logo.svg وسائط متعددة في كومنز

Wikisource-logo.png أعماله في ويكي مصدر


محمود الكمشوشى هو شاعر مصرى ولد في الإسكندرية في 28 يوليو 1915.

يا مولاى[عدل]

اسمحلى لحظة يا مولاية يا حلو خالص وياية

انا من عبيدك حشكيلك من قبل ماعملى جناية

عبيدك الى انت خالقهم معرفش ايه منى فالقهم

يظهر عشان متعشم فيك دلالى وياك مضايقهم

انا لو زمانى مضحضنى و اشكى لمخلوق يفضحنى

و اما اشتكيلك يا مولاى بترقلى و تبحبحنى

ناهيلى حاجتى من بدرى و معلى بين الناس قدرى

وان شوفتنى محتاج لفلوس ترزقنى من حيث لاادرى


الرشوة[عدل]

ياحلو روش يا سيدي روش ياروحي روش ياعقــلي روش

تعوزها بانج تلاقاها بانج تعوزهـــــــا دوش تلاقاهـــا دوش مادام تــروش

تحب تصرف بضاعة بايرة بدون مشقـــــــــة لمــــح تروش

حيقبلوها وهية بايظة ومش مطابقة علشــــــــــان تروش

وان حتي كانت اوصافها كاملة وعال ولايقـــــة لازم تروش

تقبض فلوسها جديدة لانج وتفتكرهم ماتنساهـــومــــش

تعوزها بانج تلاقاها بنج تعوزها دوش تلاقاهـــــــــا دوش مادام تــروش

الرش اصبح دلوقتي زي الفريضـــة واكتر واحـــــــب اروش

بس اللي جاي قد اللي رايح من غير مابذر ومنيــــن اروش

شاطر ولكن مش لاقي عاقل يعرف يقدر من غيــر مااروش

حشيل عزالي وهج هج عند اللي لسة ماعملتهـــــومش

ويــــارب يطلع البانج بانـج واليـــك يــــك والــــدوش دوش من غير ماروش

الحرب[عدل]

الى خالقنى رازقنى تملى قبل الحرب و قبل الضرب

لا والناس بتجيلى تقولى ايه راح تعمل بعد الحرب

ناس فاكرين الحرب رازقناو مخليلنا جيوبنا تقيله

و اما حيخلص ينشف ريقناو المليم نلاقاه بالتيله

مش عارفين ان الى خالقنا قاعد برده لبعد الحرب


وجهك حسن[عدل]

وجهك حسن و الى احسن من كده طبعك

اسمك حسن و الى احسن من كده شرعك

صوتك حسن و الى احسن حكمتك فى القول

كلك حسن يا حسن اؤمر و انا طايعك