سهام الشعشاع

سهام الشعشاع
سهام الشعشاع
طالع أيضاً...
السيرة في ويكيبيديا

سهام الشعشاع شاعرة سورية درست الأدب العربي في جامعة دمشق، وقد عملت في الإعلام السوري.

اقتباسات

جلسة أدبية مع الشاعرة سهام الشعشاع لاستكشاف رؤيتها للشعر وتجربتها الشخصية في الكتابة

عن الشعر والكتابة والإحساس

«التحديات اللي عم نواجهها بالحياة، الصعاب، الأوجاع، الانكسارات، الهزائم، بتخليك دائماً تنتصري للغة لتواجهي كل هالبشاعة.»

«الحياة فاتحة الشبابيك... المفردات على قارعة الطريق موجودة بس إن الشاعر يلتقطها.»

«الشعر بس يصير خارج حدود مشاعرك وعواطفك وأحاسيسك وبس تدخلي راسك بالقصيدة، أنتِ خسرتي مصداقيتك وخسرتي الجسر اللي بوصلك للآخر.»

«كل ما كنتِ حقيقية وكل ما الشيء بيطلع من قلبك أكيد رح يوصل للآخرين.»

«الحزن بيغريك إنك تقتنصي كل فرصة لحتى تعبّري عن حالك... الحزن بيكتبنا.»

«الحزن هو كاتبِك، محرّكِك، وخارج الحزن ما في كتابة، ما في نص.»

«الشاعر لسان حال قومه، بيعبر عنهم… أنتِ بدك ترجعي تعيدي خلق هذا الواقع وترمّمي لهم إياه لحتى يقدروا يتقبلوه.»

عن تجربتها الشخصية وتشكيل هويتها

«أنا مواليد بتغرين يعني بالمتن بلبنان... طلعنا بفترة الحرب على سوريا، وبسوريا إذا بدك تشكلت عندي، لأنه أنا كتبت أول قصيدة بسوريا.»

«صرت أحس إن الشيء الطبيعي اللي لازم أعمله هو البحث عن بدائل... كان بدّي بيت بديل، فكان بيت الشعر.»

«الفاتورة قاسية… إنك أنتِ ثمن كتابة النص عندك هو الموت.»

«كنت أحس إني لأني ربيت بكنف أمي كانت حاجتي للرجل مضاعفة… لما بتربي بجو أنثوي بتحسي إنك تبحثي دائماً عن الشيء الناقصك.»

من قصائدها المغنّاة

«ما بدي أقول لك شو بني، شو اللي جرى لي بهالدنيا… بدي معك إبدا العمر أول سطر بالولدنة.»

«وشعر أنا إن الدنيا صارت ضحك على الحل… شو بحب لما بتمرق قبالي تسلم عليّ تبوسني وتفل… أنت حبيبي ويسمحوا لي الكل.» سهام الشعشاع في "بودكاست مع نايلة": الحياة شِعر... والقصيدة عزاؤها

«أنا امرأة لغير زمانكم، خلقت منمقة كطوق من رياحين، على كفي قامت ثورة الأنثى وفي رأسي ملايين الدواوين.»

«يقول الناس عن شعري كأفكار المجانين، وإني أقلب الدنيا بما في الصدر يشقيني.»

«أول قصيدة عملتها وقت توفى بيي… كنت أكتب بس أمي تقول إنها توعى بالليل تلاقيني قدام صورة بيي ودموعي نازلين وعم بكتب.»

«ثمن الشعر كان كثير غالي عندي… خسارات متكررة، بس مع الوقت اكتشفت إنه ما بتكتبي إذا أنت فعلاً مش عم تدفعي فواتير. حق النصوص وحق هذه الكتابة غالي الثمن.»

«خارج الوجع ما فيك تكتبي… الحياة وأنتِ فرحانة بتغريك تعيشيها، بس لما بتزعلي بترجعي على الورق بتحسي وكأنك عم تتخففي من أوجاعك.»

«الكتابة بتشبه العزاء… الناس بتطبطب علينا لحتى تخفف وقع الفقد، والكتابة نفسها هي هيدا الشيء.»

«الشاعر هو لسان حال المحيطين فيه… وزير إعلامهم إذا صح التعبير، يعني الناطق باسمهم.»

«الشعر شعر، والقصيدة مش مهم الثوب اللي بترتديه، سواء كانت فصحى أو أغنية.»

«الحياة شِعر وأحاسيس… وبالنتيجة الشعر بيطلع من اللي منعيشه ومن اللي منحسّه.»

«القصيدة وقت تدق بابك بدك تقومي وتحضّري حالك وتقعدي على المكتب وتحطي الورق وتكتبي.»

«الشعر مش بس كلمات وأوزان… الشعر هو إحساس، هو الكمّ من الشعور اللي بتصبيه بنصك.»

«بس يدخل الرأس بالقصيدة بشوّهها… بتصير فلسفة أو مادة رياضيات، وبتبطّل نص شعري.»

«أنا كامرأة شاعرة بحس حظي حلو إنه ملعبي ومادتي هو الرجل… بحس الرجل مادة خام بعد ما تم اكتشافها.»

«المرأة هي صانعة الحياة، وهي الحضن الأوسع لتشكيل حتى عالم الرجل… خارج المرأة العالم ناقص.»