بيرم التونسى
من ويكي_الاقتباس
محمود بيرم التونسي هو شاعر مصري ولد في الإسكندرية في 3 مارس 1893، و يعدّ من أشهر شعراء العامية المصرية.
حتى أن أحمد شوقى قال أخشى على الفصحى من بيرم "أى من حلاوة شعره بالعاميه سينصرف الناس عن الفصحى"
محتويات |
[عدل] أنا المصري
أنا المصري كريم العنصرين
بنيت المجد بين الإهرمين
جدودي أنشأوا العلم العجيب
ومجرى النيل في الوادي الخصيب
لهم في الدنيا آلاف السنين
ويفنى الكون وهما موجودين
[عدل] ابن آدم
قال: إيه مراد ابن آدم؟
قلت له: طقه
قال: إيه يكفي منامه؟
قلت له: شقّه
قال: إيه يعجّل بموته؟
قلت له: زقه
قال: حـد فيها مخلّد؟
قلت له: لأه
قال لي: ما دام ابن آدم بالصفات دي
نويت أحفظ صفات ابن آدم كل ما اترقى.
[عدل] الجماهير
م المستحيل إنت تخدع أي طفل صغير
و تلف عقله و تعطيه القليل بكتير
لكن بأهون طريقه تخدع الجماهير
لو كنت أغبى غبي تجري وراك و تسير
[عدل] خطاب إلى الموميه
في مصر كنت الملك لك جيش ولك حاميه
ودوله غير دولتك ما تعمل الموميه
و امه غير امتك ما تزرع الباميه
ولما خشوا عليك المقبره يلاقوك
نايم مفتح .. ولكن في بلد عـميه
[عدل] عتاب
ليه امشى حافى ،وانا منبت مراكيبكم
ليه فرشى عريان،وانا منجّد مراتبكم
ليه بيتى خربان ،وانا نجّار دواليبكم
هى كده قسمتى؟
الله يحاسبكم!
[عدل] باريس تقول قصّروا الفساتين
باريس تقول قصّروا الفساتين..نقصرها
ترجع تقول طّولوا .. حالاً نجرجرها
و في الشتا - قوّروا القمصان.. نقورها
و في الصيف زرّروا الأرّواب.. نزررها
[عدل] ( من كلمـــة هايفـــه .. )
مــن هفــوه أو كلمــه هايفــــه نتحمــق ونقــــوم
نســب ونــدب ، ويـــــدور العــــــراك بالشــــــــوم
وكل محمـــوق ولــه فرقـــــــه تقــوم بهجــــــــــوم
مــن قبـــل ماتعـــرف الظالـــم مــن المظلــــــــــوم
تبقــى الشـــراره حريقــــه والسحابـــه حســــوم
لا شركـــه تنجــح ، ولا عيـــله صفاهـــا يـــــــدوم
ومنــين نشـــوف العـــدل ولا السفينــــــه تعــــوم
مادمنـــا فــوق قلبــــها قاعديــن لبعض خصـــــوم
تضحــــك عليـــنا الحــدادى في السمــا بتحــــوم
[عدل] الشـــــــــــــــرق
من قبل مااكتب أنا عارف القــــــول ضايــــع
والأجــر بالتأكيد ذاهــب حسب الشـايـــــع
والشتــم حايجينى مسوجر من واد صـــايــع
مهما انكويت بالنار والزيـت برضــك فنــــــــان
